नागपूर : कोंढाळीतील तुर्केलच्या फार्महाउसवर गोळ्या झाडून व्यापारी निरालाकुमार जयप्रकाश सिंग व अंबरीश देवदत्त गोले या दोघांची हत्या करून दोघांचेही मृतदेह नदीत फेकण्यात आले. दोघेही बेपत्ता बसल्याचे भासवायचे होते. मात्र, या हत्याकांडातील मुख्य सूत्रधाराला पश्चाताप झाला अन् दुहेरी हत्याकांडाचा उलगडा झाला. अन्यथा, निरालाकुमार व अंबरीश हे दोघे अनेक दिवसांपर्यंत ‘मिसिंग’च असते. हा धक्कादायक खुलासा आरोपींच्या चौकशीदरम्यान समोर आला.
दरम्यान, या प्रकरणात अटकेतील सूत्रधार ओंकार महेंद्र तलमले (वय २५, रा. स्मृती लेआउट), लकी संजय तुर्केल (वय २२, रा. मरियमनगर), हर्ष आनंदलाल वर्मा (वय २२, रा. वाडी), दानिश दुर्गाप्रसाद शिवपेठ (वय २१, रा. गोधनी), हर्ष सौदागर बागडे (वय १९, रा. दत्तवाडी) व बजरंगदलाच्या संयोजक पदावरून हकालपट्टी करण्यात आलेला विशाल पुंजच्या पोलिस कोठडीत न्यायालयाने वाढ केली. त्यांना ८ ऑगस्टपर्यंत पोलिस कोठडी ठेवण्याचे आदेश न्यायालयाने दिले.
दरम्यान, या प्रकरणात अटकेतील सूत्रधार ओंकार महेंद्र तलमले (वय २५, रा. स्मृती लेआउट), लकी संजय तुर्केल (वय २२, रा. मरियमनगर), हर्ष आनंदलाल वर्मा (वय २२, रा. वाडी), दानिश दुर्गाप्रसाद शिवपेठ (वय २१, रा. गोधनी), हर्ष सौदागर बागडे (वय १९, रा. दत्तवाडी) व बजरंगदलाच्या संयोजक पदावरून हकालपट्टी करण्यात आलेला विशाल पुंजच्या पोलिस कोठडीत न्यायालयाने वाढ केली. त्यांना ८ ऑगस्टपर्यंत पोलिस कोठडी ठेवण्याचे आदेश न्यायालयाने दिले.
दोघांचे मृतदेह नदीत फेकल्यानंतर ओंकार हा विमानाने पुण्याला गेला. तत्पूर्वी त्याने दीड कोटीचा धनादेश प्रेयसीकडे दिला. पुण्याला गेल्यानंतर काही दिवस सह्याद्रीच्या पर्वतात फिरण्याची त्याची योजना होती. याचे नियोजनही त्याने केले होते. या ठिकाणी काही दिवस काढल्यानंतर नागपुरातील वातावरण शांत होईल, त्यानंतर आपण परत जाऊ, असे त्याने ठरविले होते. मात्र, ओंकारला सतत निरालाकुमार सिंग (वय ४३, रा. प्रसाद अपार्टमेंट, एचबी टाऊन, पारडी) यांचा चेहरा डोळ्यापुढे दिसायला लागला. २६ जुलैला रात्री ओंकार हा पुण्यालातील एका महिला वकिलाकडे गेला.
‘दीड कोटीचा डीडी मी घेतला. परंतु, माझ्या साथीदारांनी निरालाकुमार व अंबरीश गोले (वय ४०, रा. नरकेसरी लेआउट, जयप्रकाशनगर) या दोघांची गोळ्या झाडून हत्या केली, मृतदेह जाळले, ते नदीत फेकले. दोघांच्या हत्येशी माझा काहीही संबंध नाही. मी केवळ फसवणूक केली आहे. मला वाचवा’, अशी विनंती त्याने वकिलाला केली. वकिलाने त्याला आत्मसमर्पण करण्याचा सल्ला दिला. वकिलाने नागपुरातील एका वरिष्ठ पोलिस अधिकाऱ्याला या घटनेची माहिती दिली. त्यानंतर पोलिस खडबडून जागे झाले व पाच जणांना रात्रभरात अटक केली. त्यानंतर २७ जुलैला ओंकारला अटक करण्यात आली.
सर्वांना कोंढाळी पोलिसांच्या स्वाधीन करण्यात आले. आर्वी पोलिस स्टेशनअंतर्गत येत असलेल्या वर्धा नदीत आढळलेल्या मृतदेहाचे शवविच्छेदन करण्यात आले. यादरम्यान शरीरात दोन गोळ्या आढळून आल्या. मृतदेह कुजलेला आहे. निरालाकुमार यांच्या नातेवाइकांचे डीएनए घेतल्यानंतर चाचणी करण्यात येईल. मृतदेह निरालाकुमार यांचा असल्याचे सष्ट झाल्यास तो नातेवाइकांच्या स्वाधीन करण्यात येईल. तोपर्यंत मृतदेह वर्धा जिल्हा सामान्य रुग्णालयात ठेवण्यात येणार आहे.