म. टा. वृत्तसेवा, मनमाड : नांदगाव तालुक्यातील नाग्यासाक्या धरण परिसरात कोंढार शिवारातील एका हॉटेलमध्ये सुरू असलेल्या वेश्या व्यवसायावर नाशिक ग्रामीण पोलिसांनी छापा टाकत महिलेसह दोघांवर गुन्हा दाखल केला. या घटनेमुळे खळबळ उडाली आहे.

नांदगावपासून पाच किमी अंतरावर नाग्यासाक्या धरण परिसरात एका हॉटेलमध्ये अवैध वेश्या व्यवसाय सुरू असल्याची माहिती मिळाल्यावरून पोलिस अधीक्षक शहाजी उमाप यांच्या मार्गदर्शनाखाली जिल्हा ग्रामीण पोलिस पथकाने सापळा रचला. सुरुवातीला डमी गिऱ्हाइक पाठविण्यात आले. १३०० रुपयांत व्यवहारही ठरला. त्यानंतर पोलिसांनी तेथे धाड टाकून देहविक्रीचा व्यवसाय करणाऱ्या महिलेला ताब्यात घेतले. पोलिसांनी हॉटेलचालक अख्तार सोनावाला, भालू मुल्ला यांच्यासह पीडित महिलेवर रात्री उशिरा गुन्हा दाखल केला.

चेतननं गुपित ठेवलं, आम्ही अनभिज्ञ! रेल्वेच्या माहितीनं गोळीबाराला वेगळं वळण; केस फिरणार?

दरम्यान, पोलिस उपनिरीक्षक अंकिता बावीस्कर, हवालदार रावसाहेब कांबळे, नितीन डावखर, शिपाई रामराजे, मनीषा कुंझरे यांनी हा छापा टाकला.