मिळालेल्या प्राथमिक माहितीनुसार, नंदनवन परिसरातील हिवरी नगर येथील संघर्ष नगर रोडवरील दारूच्या भट्टीसमोरील मोकळ्या जागेत मृतक हा त्याच्या काही मित्रांसह दारू पीत होता. दारू पीत असताना सर्व मित्रांमध्ये वाद सुरू झाला. दरम्यान, रागाच्या भरात आरोपींनी तुषारला संपवले. मंगळवारी सकाळी सहा वाजता फिरायला जाणाऱ्या नागरिकांना रक्ताने माखलेला मृतदेह दिसला. त्यांनी याची महिती नंदनवन पोलिसांना दिली.
पोलिसांनी घटनस्थळी येऊन मृतदेह ताब्यात घेत पंचनामा केला. या घटनेमागील नेमके कारण अद्याप समोर आलेले नाही. नंदनवन पोलिसांनी अज्ञात आरोपीविरुद्ध गुन्हा दाखल केला आहे. सीसीटीव्ही फुटेजच्या आधारे आरोपींचा शोध सुरू आहे.
आईने कामधंदा करण्यास सांगितल्याने तरुणाने संपवले जीवन
आईने काही कामधंदा करायला सांगितल्याने २६ वर्षीय तरुणाने आपले जीवन संपवले. ही घटना अंबाझरी पोलीस ठाण्यांतर्गत रविवारी सायंकाळी ७.४० वाजण्याच्या सुमारास घडली. अमित गणेश उईके (२६, रा. सोनी नगर, मरारटोली) असे मृताचे नाव आहे.
अमित २६ वर्षांचा होऊनही बेरोजगार होता. याबाबत अमितची आई सीमा गणेश उईके (५०) यांनी त्याला सांगितले की, तो मोठा झाला आहे, आता कामाला लाग. यामुळे अमित संतापला आणि रागाचाभरात अमितने रविवारी सायंकाळी राहत्या घरी हे टोकाचे पाऊल उचलले. याप्रकरणी अंबाझरी पोलिस स्टेशनचे पोलिस उपनिरीक्षक विनोद म्हात्रे यांनी आकस्मिक मृत्यूची नोंद केली आहे.