शिरूर, पुणे : मनसे अध्यक्ष राज ठाकरे यांनी आपल्या पक्षाच्या पुणे जिल्हाध्यक्षपदासाठी एका शेतकरी कुटुंबातील तरुणाची निवड केली. रामदास दरेकर हे आता पुणे जिल्हा मनसेचे नवनियुक्त जिल्हाध्यक्ष म्हणून काम पाहणार आहेत. स्वतः राज ठाकरे यांनी त्यांना निवडीचे पत्र दिले आहे.
रामदास दरेकर हे राज ठाकरे यांनी पक्ष स्थापन केल्यापासून म्हणजे गेल्या २० वर्षांपासून राज यांच्यासोबत एकनिष्ठेने काम करत आहेत. दरेकर हे शिरूर तालुक्यातील सणसवाडी या गावचे रहिवासी आहेत. राज ठाकरे यांच्या विचारांना माननारे, त्यांच्या विचारांना शिरूर तालुक्यासह पुणे जिल्ह्यातील ग्रामीण भागात पोहोचवणारे निष्ठावान कार्यकर्ते व सहकारी म्हणून ओळख असलेले रामदास दरेकर यांचे सर्वसामान्य नागरिकांशी आपुलकीचे नाते आहे. महाराष्ट्र नवनिर्माण सेनेच्या स्थापनेपासून पक्षात विविध पदावर काम करत, आपल्या कामाच्या माध्यमातून पक्ष स्थापनेपासून आतापर्यंत त्यांनी कार्यकर्त्यांचे जाळे विणले आहे.
रामदास दरेकर हे राज ठाकरे यांनी पक्ष स्थापन केल्यापासून म्हणजे गेल्या २० वर्षांपासून राज यांच्यासोबत एकनिष्ठेने काम करत आहेत. दरेकर हे शिरूर तालुक्यातील सणसवाडी या गावचे रहिवासी आहेत. राज ठाकरे यांच्या विचारांना माननारे, त्यांच्या विचारांना शिरूर तालुक्यासह पुणे जिल्ह्यातील ग्रामीण भागात पोहोचवणारे निष्ठावान कार्यकर्ते व सहकारी म्हणून ओळख असलेले रामदास दरेकर यांचे सर्वसामान्य नागरिकांशी आपुलकीचे नाते आहे. महाराष्ट्र नवनिर्माण सेनेच्या स्थापनेपासून पक्षात विविध पदावर काम करत, आपल्या कामाच्या माध्यमातून पक्ष स्थापनेपासून आतापर्यंत त्यांनी कार्यकर्त्यांचे जाळे विणले आहे.
रामदास दरेकर यांनी पहिल्याच पंचायत समिती निवडणुकीत त्यांच्या पत्नी सविता रामदास दरेकर यांना निवडून आणले. त्यांनी राज्यातील पहिल्या मनसेच्या पंचायत समिती सदस्या होण्याचा मान मिळवला होता. तसेच रामदास दरेकर यांच्या वहिनी सुनंदा नवनाथ दरेकर यांनी उद्योगनगरी सणसवाडी ग्रामपंचायतीचे सरपंच भूषवले असून त्या विद्यमान सदस्य आहेत.
दरेकर हे नेहमी गावच्या राजकीय, सामाजिक कार्यात अग्रेसर असतात. जिल्हाध्यक्षपदी झालेली निवड ही माझ्या एकनिष्ठतेची पावती असल्याच्या भावना त्यांनी व्यक्त केल्या आहेत.
दरम्यान, रामदास दरेकर यांना राज ठाकरे यांच्याकडून निवडीचं पत्र दिलं जात असताना मनसे नेते राजेंद्र वागस्कर , सरचिटणीस अजय शिंदे, सरचिटणीस बाळा शेडगे, पुणे शहराध्यक्ष साईनाथ बाबर, पुणे शहर उपाध्यक्ष हेमंत बत्ते उपस्थित होते.