मुसळधार पावसामुळे सर्वत्र पूरस्थिती असल्याने मृतदेहावर अंत्यसंस्कार करण्यासाठी चिता रचलेल्या ठिकाणी पुराचे पाणी शिरले. मृतदेह जळत असतानाच पुराच्या पाण्याचा प्रवाह चिता रचलेल्या ठिकाणी जोरात आल्याने जळत असलेला मृतदेह पाण्याच्या प्रवाहात वाहून गेल्याचे समोर आले आहे. पुराच्या पाण्यात मृतदेहावर अंत्यसंस्कार करण्यात आल्याचा व्हिडीओ समाज माध्यमांवर व्हायरल झाला असून या घटनेमुळे सर्वत्र संताप व्यक्त होत आहे.

दरम्यान राज्यात पावसाचा जोर कायम आहे. तसेच पालघरमध्ये पावसाची संततधार सुरूच आहे. यामुळे नद्या, नाल्यांना पूर आला आहे. यामुळे जनजीवन विस्कळीत झाले आहे. पालघरमध्ये अनेक गावांना पावसाचा फटका बसला आहे. नद्या दुथडी भरून वाहत आहेत.