याबाबत अधिक माहिती अशी की, जळगाव जिल्ह्याचे जिल्हाधिकारी म्हणून अमन मित्तल हे कार्यरत होते. गेल्या दोन दिवसांपुर्वीच त्यांची प्रशासकीय बदली झाली आहे. दरम्यान, अमन मित्तल यांच्या नावाने सायबर चोरट्याने फेसबुकवर बनावट खाते तयार केले. त्यावर स्वत: अमन मित्तल असल्याचे भासवून बदली झाल्यामुळे घरगुती सामान विक्री करावयाचे असल्याचे पोस्ट संबंधिताने फेसबुकवरून टाकली.

बनावट फेसबुक तयार करण्यात आले असून त्या माध्यमातून घरगुती साहित्य विक्री केले जात असल्याच्या या पोस्टबाबत अमन मित्तल यांच्या मित्रांनी त्यांना कळविले. त्यानंतर कुणीतरी अज्ञात व्यक्ती फसवणूक करत असल्याची खात्री झाल्यावर तात्कालीन जिल्हाधिकारी अमन मित्तल यांनी ऑनलाईन पध्दतीने सायबर पोलीस ठाण्यात तक्रार नोंदविली. तसेच या प्रकारबाबत फोनवरून जळगाव जिल्ह्याचे पोलीस अधिक्षक एम राजकुमार यांना कळविले. संबंधित बनावट फेसबुक खातं व त्यावरून फसवणूक संदर्भातील मेसेजचे फोटो अमन मित्तल यांनी पोलीस अधिक्षक एम. राजकुमार यांना व्हॉटसटॲपवरून पाठविले आहेत.

घरगुती साहित्याची किंमत आणि फोटो सुद्धा केले शेअर:

सायबर चोरट्याने घरगुती सामान विक्री असल्याच्या पोस्ट सोबतच त्याचा पेटीएम क्रमांक सुध्दा टाकला होता. याच पेटीएम खात्यावर पैसे जमा करण्यासाठी स्वत: बँक अकाऊंट नंबरसह संपुर्ण माहिती आणि पेटीएमचा क्युआर कोड स्कॅन करण्यासाठी सुध्दा पाठविला होता. या संबंधित माहितीवरून बनावट फेसबुक खात तयार करण्याऱ्याचे नाव गोवर्धन लाल साहू असं असल्याचे समोर आले आहे. दरम्यान, या प्रकाराला पोलीस अधिक्षक एम. राजकुमार यांनी दुजोरा दिला असून ऑनलाईन पध्दतीने अमन मित्तल यांच्या तक्रारीवरून सायबर पोलीस ठाण्यात तक्रार दाखल झाली असल्याची माहिती दिली आहे.

तीन महिन्यापूर्वी लग्न, घरात कुणी नसताना टोकाचा निर्णय; नवविवाहित महिलेचं कुंकू पुसलं