राधानगरी धरणाचे काल पाच स्वयंचलित दरवाजे उघडले यामुळे मोठ्या प्रमाणात पंचगंगा नदीपात्रात पाण्याचा विसर्ग सुरू होता. यामुळे आपल्या धोका पातळीकडे वाटचाल करत असलेल्या पंचगंगा नदीच्या पाणी पातळीत आणखी वाढ होण्याची शक्यता निर्माण झाली होती. प्रशासनाने पुराचा फटका बसणाऱ्या गावांना सतर्कतेचा इशारा दिला होता, तसेच काही कुटुंबांना स्थलांतर देखील केले होते. शाळा देखील अनिश्चित काळासाठी बंद करण्यात आल्या होत्या.

राजापूर शहर अलर्ट मोडवर; पुराचे पाणी जवाहर चौकातून बाजारपेठेच्या दिशने, प्रशासनाकडून इशारा
काल पावसाने काही काळ उसंत घेतली, यामुळे राधानगरी धरणाचे पाणी पंचगंगेत आले तरी काही इंच पाणी वाढले. यामुळे कोल्हापूरवर आलेला महापुराचा संकट आता टळले असून यामुळे स्थलांतर केलेल्या सर्व नागरिकांना आज संध्याकाळपर्यंत आढावा घेऊन उद्या पुन्हा त्यांच्या घरी पाठवू असे पालकमंत्री दीपक केसरकर म्हणाले. अनिश्चित काळासाठी बंद करण्यात आलेल्या शाळा उद्यापासून पुन्हा सुरू होतील आणि ज्या शाळामधील परीक्षा रद्द झाली त्यांची नवीन तारीख जाहीर करणार, असे ते यावेळी म्हणाले.

ठाण्याला पावसाने झोडून काढले; २४ तासात तिघांचा जीव गेला, मुंब्रा येथे दरड कोसळली, शाळांना उद्या…
एकेरी वाहतूक सुरू करणार

तसेच नदीला मोठ्या प्रमाणात पाणी आल्याने बालिंगा पुलावरील वाहतूक सुरक्षेच्या कारणास्तव बंद करण्यात आली होती. या पूलावरून होणारी वाहतूक ठप्प झाल्याने सदरचा पूल सुरू करण्याची मागणी अनेक जणांकडून करण्यात येत होती. पूलाला पाणी लागत असल्याने सुरक्षेच्या कारणास्तव ही वाहतूक बंद करण्यात आली होती, मात्र आता पोलीस बंदोबस्त घेत. बालिंगा पूलावरील एकेरी वाहतूक सुरू करण्यात येणार असल्याचे पालकमंत्री दीपक केसरकर यांनी सांगितले आहे.

तसेच उद्या पूलाला जर काय झालं तर काहीजण आम्हालाच विचारले असते की वाहतूक का सुरू केली. बालिंगा पूलाला दुसरा पर्याय व्यवस्था नसल्याने ही मागणी होत होती. यामुळे बंद ठेवण्यात आले होते मात्र आता प्रायोगिक तत्त्वावर हे पूल सुरू करण्यात यावे असे सांगण्यात आले असल्याचे केसरकर म्हणाले.