बुलढाणा : बुलडाणा जिल्ह्यातील खामगाव शहरात भरदिवसा चोऱ्या लुटमार करणारे चोरटे सक्रीय झाले असून आज नांदुरा रोडवरील सेंट्रल बँके समोरुन शेतकऱ्याचे ४ लाख ७० हजार रुपये हिसकावून दोन चोरटयांनी पोबारा केला. या घटनेने एकच खळबळ उडाली असून पोलिस चोरट्यांचा शोध घेत आहेत.
मागील दिवसांपासून खामगाव शहरात दिवसा चोऱ्या होण्याचे प्रमाण वाढू लागले आहे. १४ दिवसापूर्वीच भरदिवसा फरशी भागातून स्कुटीच्या डिक्कीतून ८५ हजार रुपये लंपास झाले होते. ही घटना ताजी असतांनाच आज पुन्हा अशीच भरदिवसा पैसे लुटल्याची घटना घडली.
मागील दिवसांपासून खामगाव शहरात दिवसा चोऱ्या होण्याचे प्रमाण वाढू लागले आहे. १४ दिवसापूर्वीच भरदिवसा फरशी भागातून स्कुटीच्या डिक्कीतून ८५ हजार रुपये लंपास झाले होते. ही घटना ताजी असतांनाच आज पुन्हा अशीच भरदिवसा पैसे लुटल्याची घटना घडली.
तालुक्यातील हिवरखेड येथील दिलीप सदाशिव हटकर (५५) यांनी आज नांदुरा रोडवरील हॉटेल देवेंद्र मधील सेंट्रल बँकेतून दोन मुलं व त्याच्या नावावर पीक कर्ज काढले. बँकेतून काढलेले ४ लाख ७० हजार त्यांनी एका छोटया बँगेत ठेवून ते रोडवर दुचाकीजवळ आले. यावेळी दुचाकीवरुन आलेल्या दोन भामट्यांनी हटकर यांच्या हातातील पैशांची बॅग हिसकावून पोबारा केला.
शरद पवारांची राष्ट्रवादी पुन्हा फुटणार? अर्थमंत्री होताच अजित पवारांची मोठी खेळी, ‘चाणक्या’चे आमदार चिंतेत
यावेळी हटकर व त्यांच्या मुलांनी चोरटयाला पकडण्याचा प्रयत्न केला पण ते दुचाकीने सुसाट पळून गेले. या घटनेने बँक परिसरात एकच खळबळ उडाली.
घटनेची माहिती मिळाल्यानंतर शहर पोलिस घटनास्थळी दाखल झाले. पोलिसांनी आसपासच्या सीसीटीव्ही कॅमेऱ्यांची पाहणी सुरु केली केली. चोरट्यांचा पोलीस शोध घेत आहेत. याप्रकरणी दिलीप हटकर यांनी शहर पोस्टेला तक्रार दिली असून वृत्त लिहेपर्यंत पोलिस कार्यवाही सुरू होती.
सावंतवाडीत पावसाचे थैमान, ५० पर्यटक अडकले, बांदा पोलिसांच्या सतर्कतेने मोठा अनर्थ टळला