मात्र, यावेळी शहराच्या हद्दीत पार्टी न देता ग्रामीण भागात ही पार्टी दिली. बुकी बोमाने शनिवारपेक्षा रविवारी अधिक आलिशान पार्टी दिली. सूत्रांकडून मिळालेल्या माहितीनुसार, ही पार्टी छिंदवाडा रोडवर देण्यात आली होती. मागच्या धाडीपासून धडा घेत या बुकीने उत्पादन शुल्क विभागाकडून रीतसर दारूचा परवाना घेऊन यावेळी सहकाऱ्यांना दारू पाजली. एवढेच नाही तर एका रशियन डान्सरलाही यावेळी बोलावण्यात आले होते. पार्टीची माहिती मिळताच ग्रामीण पोलिसांचे ३० ते ३५ अधिकारी घटनास्थळी दाखल झाले. पोलीस येताच व्हिडिओ बनवण्यास सुरूवात केली. पोलिसांना पाहताच गोंधळ उडाला. मात्र काही काळ थांबून ते सर्व पोलीस कोणतीही कारवाई न करता परतले. त्याचवेळी ही माहिती समोर आल्यानंतर पोलिसांवर प्रश्न उपस्थित होऊ लागले आहेत.