बाबाच्या अंगात येतो नाग…

ही चमू १५ जुलै रोजी त्या गावात पोहोचली. तेथे काही गावकऱ्यांची भेट झाली. ‘साप चावला, इथे कुणी बाबा आहे का’, अशी विचारणा चमूने केली. त्यावर त्या गावातील नागरिकांनी एका मंदिराकडे जाण्यासाठी सांगितले. ही चमू मंदिरात जाऊन त्या बाबाची वाट पाहात होती. २० ते २५ मिनिटांनी बाबा मंदिरात पोहोचले. त्यांच्या काही चेल्यांनी मंत्रोपचार सुरू केले. ते कानावर पडताच बाबांच्या अंगात नाग संचारला. ज्या सापाने या मुलाला दंश केला आहे, तोच साप बाबांच्या अंगात आल्याचे ते सांगत होते. सापासारखे सरपटत बाबांनी मंदिरात जाऊन दर्शन घेतले. मंत्रोपचार करीत बाबा सरपटतच सर्पदंश झालेल्या मुलाकडे आले. आकाशला काही कळायच्या आतच बाबांनी त्याच्या पायावर ब्लेडने चिरा मारला. तोंडावाटे त्या बाबाने जखमेतून रक्त ओढायला सुरुवात केली. तोंडात जमा होणारे बाबा रक्त बाजूच्या पातेल्यात गोळा करत होते. पूर्ण शरीरात विष पसरले असल्याचे त्या बाबांनी सांगितले. काही वेळ ही उपचारपद्धती चालल्यानंतर बाबांनी आशीर्वाद देत विष उतरल्याचे सांगितले. त्यानंतर प्रसाद म्हणून कढई करण्याचे सांगितले. या चमूने ४०० रुपये बाबांच्या चेल्यांच्या हातात देऊन त्या गावातून काढता पाय घेतला.
गरोदर मातेला जीवाची बाजी लावून पुराच्या पाण्यातून बाहेर काढले, मात्र, पुढे घडलं धक्कादायक
कठोर कारवाईची मागणी

मुळात साप चावलाच नसताना असे अघोरी उपाय या गावात होऊ लागले आहेत. नागरिकांच्या भीतीचा आणि अज्ञानाचा फायदा घेऊन असे अघोरी उपाय त्वरित बंद होण्याची गरज आहे. प्रशासनाने तातडीने या गंभीर प्रकाराची दखल घेऊन त्या बाबाचा हा प्रकार बंद करण्यासाठी पावले उचलावी, अशी मागणी वाइल्डलाइफ वेलफेअर सोसायटीकडून करण्यात आली.