विद्यमान जिल्हाधिकारी डॉ. सचिन ओम्बासे यांनी भाविकांनी अर्पण केलेले सोन्या-चांदीचे दागिने वितळविण्याचा निर्णय घेतला. यापूर्वी सोने वितळविल्यानंतर मोठ्या तुटीची नोंद करण्यात आली होती. सूत्रांनी दिलेल्या माहितीनुसार मागील तेरा वर्षांत २०४ किलो सोने आणि ८६१ किलो चांदी भाविकांनी अर्पण केली. ती वितळविण्यापूर्वी मंदिर समितीचे अध्यक्ष तथा जिल्हाधिकारी डॉ. सचिन ओम्बासे यांनी सोने-चांदीचे मोजमाप करण्यासाठी समिती स्थापन केली होती. समितीने मागील दोन महिन्यात मंदिरातील पुरातन दागिने, भाविकांनी अर्पण केलेले दागिने आणि महंतांच्या ताब्यात असलेल्यापुरातन दागिन्यांचे मोजमाप केले. त्यात काही दागिने गायब असल्याचे उघड झाले. मोजमाप करणाऱ्या समितीने अहवाल ओम्बासे यांच्याकडे सादर केला. तो अधिक वस्तुनिष्ठ सादर करावा अशी सूचना करून त्यांनी अंतिम अहवाल स्वीकारला नाही. देवीच्या दागिन्यांच्या सात डब्यांपैकी दोन नंबरच्या डब्यातील मौल्यवान शिवकालीन दागिने गायब असल्याचे समितीने अहवालात नमूद केले आहे. आता हे दागिने नेमके कोणत्या कालावधीत गायब झाले, त्याची जबाबदारी कोणाकडे होती अशा प्रश्नांच्या उत्तरासह समिती पुन्हा अहवाल सादर करणार आहे.
जालन्यातील प्रसिद्ध ‘मत्स्योदरी’ देवी मंदिरात चोरी; चोरट्यांनी लढवली अजबच शक्कल, काय घडलं?
गायब असलेली दुर्मीळ ऐतिहासिक ७१ नाणी

बिकानेर (४), औरंगजेब (१), डॉलर (६), चित्रकूट उदयपूर संस्थान (३), ज्यूलस (१), शहाआलम इझरा (४), बिबाशूरूक (१), फुलदार (१), दारूल खलीफा (१), फत्तेहैदराबाद औरंगजेब अलमगीर (१), दोन आणे (२), इंदौर स्टेट सूर्या छाप (१), अकोट (२), फारोकाबाद (१), लखनौ (१), पोर्तुगीज (९), इस्माईल शहा (१), बडोदा (२), रसुलइल्ला अकबर व शहाजहान (४), ज्यूलस हैदराबाद (५), अनद नाणे (२०).