मुंबई : राज्यात गेल्या काही दिवसांपासून पुन्हा एकदा पावसाने जोर धरला आहे. मुंबईसह राज्यातील काही शहरांमध्ये कालपासून पावसाचा जोर वाढला आहे. अशात मुंबई विभागीय हवामान केंद्रानं पुढील चार दिवसांसाठी हवामानाचा अंदाज जारी केला आहे. यामध्ये कोकण आणि उत्तर महाराष्ट्रातील जिल्ह्यांना अ‍ॅलर्ट जारी करण्यात आले आहेत. अशात हवामान खात्याकडून आज मुंबईला मुसळधार पावसाचा इशारा जारी करण्यात आला आहे.
हवामान खात्याने दिलेल्या माहितीनुसार, मुंबई आणि लगतच्या भागात आज मुसळधार ते अति मुसळधार पावसाची शक्यता वर्तवण्यात आली असून यामुळे नागरिकांनी अतिमहत्त्वाचे काम असल्यासच घराबाहेर पडावं अशा सूचना देण्यात आल्या आहेत. मुंबईमध्ये देखील मुसळधार पाऊस पडणार असल्याचा अंदाज हवामान विभागानं वर्तवला आहे. १९ जुलैपर्यंत ऑरेंज अ‍ॅलर्ट देण्यात आला असून २०-२१ जुलै रोजी यलो अ‍ॅलर्ट देण्यात आला आहे.
हवामान खात्याने दिलेल्या माहितीनुसार, मुंबई आणि लगतच्या भागात आज मुसळधार ते अति मुसळधार पावसाची शक्यता वर्तवण्यात आली असून यामुळे नागरिकांनी अतिमहत्त्वाचे काम असल्यासच घराबाहेर पडावं अशा सूचना देण्यात आल्या आहेत. मुंबईमध्ये देखील मुसळधार पाऊस पडणार असल्याचा अंदाज हवामान विभागानं वर्तवला आहे. १९ जुलैपर्यंत ऑरेंज अ‍ॅलर्ट देण्यात आला असून २०-२१ जुलै रोजी यलो अ‍ॅलर्ट देण्यात आला आहे.
पुढील ४ दिवस पावसाचे…
भारतीय हवामान विभागाच्या मुंबई विभागीय हवामान केंद्रातर्फे पुढील चार दिवसांमध्ये पाऊस कसा राहील यासंदर्भात अंदाज वर्तवला आहे. मुंबई, पालघर, ठाणे, रायगड व रत्नागिरी या जिल्ह्यांमधील काही ठिकाणी पुढील ४ दिवस मुसळधार तर सिंधुदुर्ग व धुळे या जिल्ह्यांच्या काही भागांत मध्यम स्वरुपाचा पाऊस पडण्याची शक्यता आहे. नागरिकांनी योग्य ती काळजी घ्यावी, असे आवाहन मुंबईच्या विभागीय हवामान केंद्राने केले आहे.
या जिल्ह्यांसाठी अ‍ॅलर्ट जारी
– पालघर जिल्ह्याला २१ जुलैपर्यंत येलो अ‍ॅलर्ट देण्यात आला आहे. तर, १८ ते २० जुलै दरम्यान ऑरेंज अ‍ॅलर्ट देण्यात आला आहे.
– ठाणे जिल्ह्याला २० जुलैपर्यंत ऑरेंज अ‍ॅलर्ट जारी करण्यात आलेला आहे. तर, २१ जुलै रोजी यलो अ‍ॅलर्ट देण्यात आला आहे.
– मुंबई आणि लगतच्या भागात आज मुसळधार ते अति मुसळधार पावसाची शक्यता वर्तवण्यात आली आहे.