मुंबई, दि. १६ :- महिला व बालविकास मंत्री आदिती तटकरे यांनी आज विभागाच्या कामकाजाचा आढावा घेतला.
यावेळी मंत्री तटकरे यांनी विभागाचे विविध उपक्रम राज्याच्या कानाकोपऱ्यात पोहोचावेत आणि त्याचा लाभ राज्यातील अधिकाधिक महिला व बालकांना व्हावा, याबाबत सूचना केल्या.
यावेळी महिला व बालविकास विभागाचे सचिव डॉ. अनुपकुमार यादव, महिला व बालविकास आयुक्त डॉ. प्रशांत नारनवरे, महिला व आर्थिक विकास महामंडळाच्या व्यवस्थापकीय संचालक डॉ. इंदू जाखड, एकात्मिक बाल विकास विभागाच्या आयुक्त रुबल अग्रवाल, राज्य महिला आयोगाच्या सदस्य सचिव श्रद्धा जोशी शर्मा उपस्थित होत्या.