या गंभीर गुन्ह्यात मदत करण्यासाठी, आरोपपत्रामध्ये कलमे कमी करून गुन्ह्याचे प्रमाण कमी करण्यासाठी, अटकपूर्व जामीन रद्द झाल्यास अटक न करण्यासाठी दायमा आणि त्यांच्या मदतीला असलेल्या रमेश वनकळस यांनी आरोपींकडून २५ लाख रुपयांची मागणी केली. इतकी मोठी रक्कम देणे शक्य नसल्याने तडजोडीनंतर ११ लाख रुपये देण्याचे निश्चित झाले. त्याचा पहिला एक लाखाचा हप्ता दायमा यांनी स्वीकारला आणि दुसऱ्या हप्त्यासाठी त्यांनी तगादा लावला.
सात लाचप्रकरणात अडकले ८ पोलिस; जिन्सीच्या PSIने घेतली सर्वात मोठी लाच, ७ महिन्यांतील प्रकरणे
आणखी पैसे द्यायचे नसल्याने आरोपींनी एसीबी कार्यालयात तक्रार केली. त्यानुसार शुक्रवारी लावलेल्या सापळ्यात दोन लाख घेताना दायमा आणि वनकळस या दोघांना पकडण्यात आले. सापळा लावल्याची कुणकुण लागताच त्यांनी पुरावा नष्ट करण्याचा प्रयत्न केल्याचे एसीबीच्या अधिकाऱ्यांनी म्हटले आहे.