पुढील उपचारासाठी प्राथमिक आरोग्य केंद्र शिक्रापूर येथे मुलीला पोलिसांच्या निगरानित पाठवण्यात आले. दुपारच्या सुमारास रस्त्यावर स्वतच्या आईने या लहान मुलीला टाकून ती पळून गेली. ते बाळ मात्र थंडीत कुडकुडत आणि रडत होते. त्या चिमुकल्याला माश्यांचा देखील त्रास होत होता. त्यावेळी तिथून जाणारे किरण गव्हाणे यांना ते दिसले. त्यांनी पोलीस येईपर्यंत तब्बल पाऊण तास मुलीशेजारी बसून माश्या दूर केल्या. यावेळी त्यांचे डोळे पाणावले होते. त्यांनी दाखवलेली माणुसकी ही नक्कीच कौतुकास पात्र आहे. पोलिसांकडून या प्रकरणात गुन्हा दखल करण्याचे काम सुरू असून स्वतच्या आईने पोटच्या गोळ्याला असं रस्त्यावर टाकून सोडून जाणं, हे सर्वांच्या मनाला चटका लावणारं आहे.