लोणावळा : पावसाळा सुरू झाली की पर्यटकांची पाऊले आपोपाप लोणावळ्याकडे वळतात. दरवर्षी हजारो पर्यटक या हिलस्टेशनला पावसाळ्यात भेट देत असतात. पावसाळ्यात ट्रेकिंग, कॅम्पिंग करणारे आणि खळखळून वाहणारे धबधबे पाहायला मिळतात. लोणावळ्यात कार्ला लेणी, भुशी डॅम, भाजा लेणी, राजमाची किल्ला, आंबी व्हॅली अशी पर्यटकांना आकर्षित करणारी ठिकाणे आहेत.
गणेशभक्तांसाठी महत्त्वाची बातमी! POP की शाडूची गणेशमूर्ती, पुणे महापालिकेचा निर्णय काय?
गेल्या काही दिवसांपासून पुणे शहराबरोबरच पुण्याजवळील परिसरात पावसाने चांगली हजेरी लावली. त्यामुळे लोणावळा परिसरातील डोंगररांगा हिरवाईने नटल्याचे पाहायला मिळत आहेत. पर्यटकांचे प्रमुख आकर्षण असलेले भुशी धरणही अखेर ओसंडून वाहू लागले आहे. गेली आठवडाभर परिसरात वरुणराजाने कृपादृष्टी केल्याने पर्यटकांची प्रतीक्षा आता संपली आहे. त्यामुळे लोणावळ्यातील पर्यटकांची संख्या मोठ्या प्रमाणात वाढली आहे.
माता न तू वैरिणी! आईनेच स्वत:च्या सहा महिन्यांच्या मुलीला टाकले रस्त्यावर, घटनेनं खळबळ
थंड हवेचं ठिकाण असणाऱ्या लोणावळ्यात पावसाची तुफान बॅटिंग सुरू आहे. या पावसाने इथला निसर्ग अक्षरशः नटून गेलाय. सह्याद्रीच्या पर्वत रांगा धुक्यात हरवल्या आहेत. पावसाच्या संततधारीमुळे छोटे छोटे धबधबे प्रवाहित झाले आहेत. आता निसर्ग इतका बहरल्याने पर्यटक आणि ट्रेकर्स तरुण, तरुणींनी लोणावळ्यातील परिसर फुलून गेल्याचे पाहायला मिळत आहे. विक एंड साजरा करण्यासाठी पर्यटक लोणावळ्यात गर्दी करू लागले आहेत.

काही पर्यटक वर्षानुवर्षे लोणावळ्याला भेट देत असून भुशी धरणाच्या ओव्हरफ्लो झालेल्या पाण्याचा आनंद घेताना दिसून येत आहेत. नागरिकांनी जरूर पावसाचा आनंद घ्यावा. मात्र, आनंद घेत असताना आपल्या जीवाला धोका होईल असे वर्तन करू नये असे आवाहन स्थानिक प्रशासनाकडून करण्यात आले आहे.