Cabinet Expansion: मंत्रिमंडळ विस्ताराच्या हालचालींना वेग, संध्याकाळचा मुहूर्त? आमदार निरोपाच्या प्रतीक्षेत

अजित पवारांना अर्थ खाते देण्यास विरोध

यावेळी बच्चू कडू यांनी अजित पवारांना अर्थखाते देऊ नये, ही आमची भूमिका कायम असल्याचे सांगितले. आम्ही दुसऱ्यांच्या ग्लासमधून पाणी पिणारे नाही. आमची स्वत:ची औकाद आहे, अस्तित्व आहे. त्यामुळे काहीही झालं तरी मी जास्त लोड घेत नाही. राजकारणात काही मर्यादा असतात. गेल्या वर्षभरापासून विस्तार होणार-होणार, असे सांगितले जात होते. आता विस्तार झाला तर तिसऱ्या नंबरवर असणाऱ्याला पहिलं स्थान देण्यात आले. पहिल्याला डोक्यावरं घेतलं होतं, आता दुसरा आल्यानंतर त्याला खाली टाकले. ही परिस्थिती सुधारण्याची गरज आहे. मंत्रिमंडळात राष्ट्रवादी काँग्रेसचा समावेश होणार की नाही, याबाबत मुख्यमंत्री एकनाथ शिंदे यांनाही कल्पना होती का हे माहिती नाही. अजित पवारांना अर्थखाते देण्यास माझी काही हरकत नाही. पण अजित पवार यांच्याकडून भविष्यात निधीवाटपात ढवळाढवळ झाल्यास ते खपवून घेणार नाही, असा इशारा बच्चू कडू यांनी दिला.