पुणे: पंतप्रधान नरेंद्र मोदी यांना या वर्षाचा लोकमान्य टिळक राष्ट्रीय पुरस्कार जाहीर झाला. या पुरस्काराची चर्चा तो जाहीर होण्याआधीच सुरू झाली होती. याचे कारण म्हणजे काँग्रेस पक्षाने केलेला विरोध होय. या पुरस्कारासाठी मोदींच्या नावाची घोषणा होण्याची चर्चा सुरू असताना काँग्रेसने त्याला विरोध केला होता. आता हा पुरस्कार जाहीर झाल्यानंतर आणखी एक मोठी चर्चा सुरू झाली आहे आणि ही चर्चा राष्ट्रवादी काँग्रेसमधील बंडाशी संबंधित आहे.
लोकमान्य टिकळ स्मारक ट्रस्टचे विश्वस्त डॉ. रोहित टिळक यांनी या पुरस्काराची घोषणा केली. या पुरस्काराचे वितरण लोकमान्य टिळक यांच्या १०३व्या पुण्यतिथीला म्हणजे १ ऑगस्ट रोजी पुण्यात होणार आहे. या कार्यक्राचे प्रमुख पाहुणे शरद पवार असणार आहेत. तसेच यासाठी महाराष्ट्राचे राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार, ट्रस्टचे विश्वस्त सुशीलकुमार शिंदे हे देखील उपस्थित राहणार असल्याचे रोहित टिकळ यांनी सांगितले.
लोकमान्य टिकळ स्मारक ट्रस्टचे विश्वस्त डॉ. रोहित टिळक यांनी या पुरस्काराची घोषणा केली. या पुरस्काराचे वितरण लोकमान्य टिळक यांच्या १०३व्या पुण्यतिथीला म्हणजे १ ऑगस्ट रोजी पुण्यात होणार आहे. या कार्यक्राचे प्रमुख पाहुणे शरद पवार असणार आहेत. तसेच यासाठी महाराष्ट्राचे राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार, ट्रस्टचे विश्वस्त सुशीलकुमार शिंदे हे देखील उपस्थित राहणार असल्याचे रोहित टिकळ यांनी सांगितले.
या पुरस्कार सोहळ्या निमित्ताने शरद पवार आणि अजित पवार हे दोन नेते राष्ट्रवादी काँग्रेसमधील बंडानंतर प्रथमच एकाच व्यासपीठावर दिसणार आहेत. अजित पवार यांनी २ जुलै रोजी बंड करत शिंदे-फडणवीस सरकारमध्ये सहभागी झाले होते. अजित पवारांच्या सोबत राष्ट्रवादीमधील ८ जणांनी मंत्रीपदाची शपथ घेतली होती. त्यानंतर अजित पवारांनी शरद पवारांवर जोरदार टीका देखील केली होती. आता राष्ट्रवादीत दोन गट झाले असून शरद पवारांनी आतापर्यंत कोणावरही वैयक्तीक टीका केली नसली तरी बंड केलेल्यापैकी अनेकांनी त्यांच्यावर जोरदार टीका केली आहे.
या सर्व पार्श्वभूमीवर आता पुण्यात होणाऱ्या पुरस्कार सोहळ्यात काका-पुतण्या एकाच व्यासपीठावर एकत्र येणार आहे. या पुरस्कार सोहळ्यात दोन्ही नेते एकमेकांशी बोलतील का? की दोघांपैकी एक नेता पुरस्कार सोहळ्यासाठी गैरहजर राहतील की अन्य काही होईल याची उत्सुकता आतापासून लागली आहे.
PM मोदींना लोकमान्य टिळक पुरस्कार देण्यास काँग्रेसचा तीव्र विरोध, थेट राहुल गांधींकडे तक्रार
बंडानंतर झालेल्या नेते आणि कार्यकर्त्यांच्या मेळाव्यात अजित पवारांनी शरद पवार यांच्या वयाचा उल्लेख देखील केला होता. त्याच बरोबर छगन भुजबळ आणि प्रफुल्ल पटेल यांनी देखील पवारांच्या धोरणांवर टीका केली होती. अशाच पुण्यासारख्या राष्ट्रवादीच्या बालेकिल्ल्यात होणाऱ्या कार्यक्रमात शरद पवार आणि अजित पवार यांची भेट होणार आहे. यावेळी व्यासपीठावर पंतप्रधानांसह अन्य मोठे नेते असतील.