मुंबई : भररस्त्यात एका रुग्णवाहिकेचा बिघाड झाल्याची घटना आज समोर आली. त्यामुळे सदर रुग्णवाहिकेतील रुग्ण आणि रुग्णांच्या नातेवाईकांच्या जीवाची घालमेल सुरू झाली. मात्र याचवेळी राज्याचे मुख्यमंत्री एकनाथ शिंदे यांचा ताफा या रस्त्यावरून जात होता. मुख्यमंत्र्यांना प्रसंगावधान दाखवत आपल्या ताफ्यातील रुग्णवाहिका देऊन त्यांना रुग्णालयाकडे मार्गस्थ केल्याने रुग्णाला दिलासा मिळाला आहे.
मुख्यमंत्री एकनाथ शिंदे हे आज गडचिरोलीचा दौरा आटोपून मुंबईत परतल्यानंतर ठाण्याकडे जात होते. मात्र चुनाभट्टी ते कुर्ल्याच्या दरम्यानच्या एका पुलावर एक रुग्णवाहिका बिघाडामुळे खोळंबल्याचे मुख्यमंत्र्यांच्या लक्षात आले. रुग्ण, रुग्णवाहिका, आरोग्य सेवा , गरजूंना औषधोपचारासाठी मदत या गोष्टी मुख्यमंत्री एकनाथ शिंदे यांच्यासाठी संवेदनशील असल्याचे अनेकदा समोर आलं आहे.
मुख्यमंत्री एकनाथ शिंदे हे आज गडचिरोलीचा दौरा आटोपून मुंबईत परतल्यानंतर ठाण्याकडे जात होते. मात्र चुनाभट्टी ते कुर्ल्याच्या दरम्यानच्या एका पुलावर एक रुग्णवाहिका बिघाडामुळे खोळंबल्याचे मुख्यमंत्र्यांच्या लक्षात आले. रुग्ण, रुग्णवाहिका, आरोग्य सेवा , गरजूंना औषधोपचारासाठी मदत या गोष्टी मुख्यमंत्री एकनाथ शिंदे यांच्यासाठी संवेदनशील असल्याचे अनेकदा समोर आलं आहे.
Ajit Pawar : राष्ट्रवादी नक्की कोणाची? फुटीनंतर आलेला पहिला सर्व्हे अजितदादांना धडकी भरवणारा; असे आहेत आकडेरुग्ण आणि रुग्णवाहिकेतील नातेवाईकांची अडचण ओळखून मुख्यमंत्री शिंदे आपल्या वाहनातून उतरले आणि थेट बिघाड झालेल्या रुग्णवाहिकेजवळ पोहोचले. त्यांनी परिस्थिती जाणून घेतली. रुग्ण आणि त्यांच्या नातेवाईकांना धीर देत त्यांनी तिथूनच ठाण्यातील शासकीय रुग्णालयातील डॉक्टरांशी संपर्क साधला. त्याचवेळी त्यांनी आपल्या ताफ्यातील रुग्णवाहिका देण्याचे निर्देश दिले. या रुग्णवाहिकेतून संबंधित रुग्ण आणि नातेवाईक ठाण्यातील रुग्णालयाकडे मार्गस्थ झाल्यानंतरच, एकनाथ शिंदे यांचा ताफा रवाना झाला.
दरम्यान, प्रचंड वर्दळीच्या रस्त्यावर घाईत असलेले मुख्यमंत्री आपल्या मदतीला धावून आल्याचे पाहून आणि त्यांनी दिलेल्या धीरामुळे रुग्णाच्या नातेवाईकांचे हात आपसुकच जोडले गेले.