नांदेड: अमरनाथमध्ये सुरू असलेल्या मुसळधार पाऊस आणि बदललेल्या वातावरणामुळे देशभरातील अनेक भाविक अडकले आहे. नांदेड येथील १८ भाविक आणि त्यांच्यासोबत पुणे येथील एक असे १९ भाविकांचा यात समावेश असून हे सर्व भाविक सुरक्षित असल्याची माहिती जिल्हा प्रशासनाने दिली आहे.
अमरनाथ यात्रेसाठी देशभरातून भाविक जात असतात. नांदेड येथून भाविकांचा जत्था मनमाड आणि पुढे मनमाडवरून जम्मूमार्गे आमरनाथ यात्रेसाठी रवाना झाले आहेत. सद्या ते पहलगाम येथे पोचून पुढे दिनांक ६ जुलै रोजी अमरनाथ यात्रेसाठी रवाना झाले. परंतू खराब हवामानामुळे ते अमरनाथ गुफेपासून ६ किमी अलीकडे पंचतरणी येथे अडकून पडले आहेत. सध्या ते आर्मी कॅम्पमध्ये सुरक्षित असून संपर्कात असल्याची माहिती जिल्हाधिकारी अभिजीत राऊत यांनी
दिली आहे. या परिस्थितीचा आढावा घेवून तेथील जिल्हाधिकारी यांच्याशी संपर्क साधून अधिक व्यवस्था केली आहे.
अमरनाथ यात्रेसाठी देशभरातून भाविक जात असतात. नांदेड येथून भाविकांचा जत्था मनमाड आणि पुढे मनमाडवरून जम्मूमार्गे आमरनाथ यात्रेसाठी रवाना झाले आहेत. सद्या ते पहलगाम येथे पोचून पुढे दिनांक ६ जुलै रोजी अमरनाथ यात्रेसाठी रवाना झाले. परंतू खराब हवामानामुळे ते अमरनाथ गुफेपासून ६ किमी अलीकडे पंचतरणी येथे अडकून पडले आहेत. सध्या ते आर्मी कॅम्पमध्ये सुरक्षित असून संपर्कात असल्याची माहिती जिल्हाधिकारी अभिजीत राऊत यांनी
दिली आहे. या परिस्थितीचा आढावा घेवून तेथील जिल्हाधिकारी यांच्याशी संपर्क साधून अधिक व्यवस्था केली आहे.
वातावरण अनुकूल झाल्याबरोबर सर्वांना सुरक्षितरित्या पहलगाम येथे आणण्यात येईल. त्यामुळे घाबरून जाण्याचे काही कारण नाही, असे जिल्हा प्रशासनाने सांगितले आहे. यात्रेत अडकेल्या नांदेडच्या भाविकांजवळ निवासी उपजिल्हाधिकारी महेश वडदकर हे समन्वय साधत आहेत. दरम्यान अधिक माहितीसाठी नातलगांनी जिल्हा आपत्ती व्यवस्थापन अधिकारी किशोर कुऱ्हे पाटील यांच्याशी +९१९४२२८७५८०८ या मोबाईल क्रमांकावर साधावा, असे आवाहन करण्यात आले आहे.
नांदेड जिल्ह्यातील अनिल पांपटवार, संजय मनाठकर, राजेंद्र मनाठकर, मंजुषा दमकोंडवार, अरुण दमकोंडवार, प्रवीण सोनवणे, विजया सोनवणे, विजयनाथ तोनशुरे, शिवकांता तोनशुरे, सुरेखा पत्रे, शामल देशमुख, प्रमोद देशपांडे, मंजुषा देशपांडे, मिसेस कडबे, तुकाराम कैळवाड, पंकज शीरभाते, प्रणिता शिरभाते,आकुलवार, निलेश मेहेत्रे यांचा समावेश आहे.