रत्नागिरी: भारतीय हवामान विभागाकडून पर्जन्यविषयक प्राप्त झालेल्या संदेशानुसार ७, ८ आणि ९ जुलै रोजी रत्नागिरी आणि रायगड जिल्ह्याला ऑरेंज अर्लटचा इशारा देण्यात आलेला आहे. या दिवशी जिल्ह्यातील काही ठिकाणी मुसळधार ते अतिमुसळधार पाऊस पडण्याची शक्यता वर्तविण्यात आलेली आहे. तसेच उद्या ६ जुलै रोजी रत्नागिरी जिल्हयासाठी रेड अलर्ट वर्तविण्यात आला आहे. तर, बुधवारसाठी मुंबई आणि ठाण्यामध्ये ऑरेंज अॅलर्ट देण्यात आला होता.
या दिवशी जिल्ह्यातील काही ठिकाणी मुसळधार ते अतिमुसळधार पाऊस होण्याची शक्यता आहे. या अलर्टच्या अनुषंगाने संबधित यंत्रणांनी सावधानतेच्या आणि सुरक्षितेच्या दृष्टीने कार्यरत रहावे तसेच नागरिकांनी काळजी घ्यावी असे आवाहन रत्नागिरी जिल्हा प्रशासनाकडून करण्यात आले आहे.
या दिवशी जिल्ह्यातील काही ठिकाणी मुसळधार ते अतिमुसळधार पाऊस होण्याची शक्यता आहे. या अलर्टच्या अनुषंगाने संबधित यंत्रणांनी सावधानतेच्या आणि सुरक्षितेच्या दृष्टीने कार्यरत रहावे तसेच नागरिकांनी काळजी घ्यावी असे आवाहन रत्नागिरी जिल्हा प्रशासनाकडून करण्यात आले आहे.
रायगड जिल्ह्यासाठी रेड अलर्टची पूर्वसूचना प्रसारित केली आहे. जिल्ह्यातील काही ठिकाणी अतिमुसळधार पाऊस पडण्याची शक्यता राहील. जिल्ह्यात काही ठिकाणी दरडप्रवण क्षेत्र आहेत. त्यानुषंगाने जिल्हा प्रशासनाकडून सर्व नागरिकांना आणि यंत्रणांना सतर्कतेचा इशारा देण्यात आला आहे. दरडग्रस्त, पूर प्रवण, खाडीलगत सखल भागातील नागरिकांनी सुरक्षित ठिकाणी आश्रय घ्यावा. पुलावरून पाणी वाहत असल्यास धाडसाने वाहने पाण्यातून चालवू नये. मासेमारीसाठी खाडी, तलाव, समुद्रात जावू नये. दरड प्रवण गावातील नागरिकांनी सुरक्षित ठिकाणी आश्रय घ्यावा.
जिल्ह्यातील सर्व शासकीय यंत्रणांनी आपल्या विभागांच्या यंत्रसामुग्री मनुष्यबळासह तत्पर ठेवाव्यात. कोणत्याही आपत्कालीन प्रसंगी जवळच्या पोलीस स्टेशन व तहसील कार्यालयाशी संपर्क साधावा. तसेच जिल्हा नियंत्रण कक्षाशी ०२१४१-२२२०९७ टोल फ्री नंबरवर ११२/१०७७ आणि जिल्हा पोलीस नियंत्रण कक्षाशी ०२१४१-२२८४७३ या क्रमांकावर संपर्क साधावा, असे आवाहन रायगड जिल्हा प्रशासनाकडून करण्यात आले आहे.
Weather Forecast: कोकणात मुसळधार, जगबुडी नदी धोक्याच्या पातळीला, प्रशासनाचा पहिला अलर्ट