अपघातात मृत्युमुखी पडलेल्या २५ जणांपैकी एक मृतदेह हा नागपूर येथील झोया या मुस्लिम तरुणीचा आहे. रात्री उशिरा तिचे नातेवाईक जिल्हा रुग्णालयात पोहचले. आम्हाला मृतदेह दफन करायचा असल्याचे त्यांनी सांगितले. यावेळी मंत्री गिरीश महाजन आणि आमदार श्वेताताई महाले यांनी रात्री दोन पर्यंत झोयाच्या नातेवाईकांशी चर्चा केली. आम्हाला आमच्या मुलीचा मृतदेह ओळखता येईल असे तिचे नातेवाईक म्हणाले.

Buldhana Bus Accident: अपघातग्रस्त बसने याआधी केलेल्या मोठ्या चुका, ११ वेळा करण्यात आलेली कारवाई
२५ पैकी एका मृतदेहाचा चेहरा आणि शरीराची ठेवण पाहून तो मृतदेह झोयाचा असल्याचे तिच्या नातेवाईकांचे म्हणणे होते. त्यामुळे झोयाच्या नातेवाईकांनी दावा केलेला मृतदेह सोडून उर्वरित २४ जणांवर आज अंत्यविधी करण्यात येणार आहे. “त्या” मृतदेहाची डीएनए चाचणी केल्यानंतर तो मृतदेह झोयाचाच असल्याचे निश्चित झाल्यावर तो तिच्या नातेवाईकांच्या ताब्यात देण्यात येईल. मात्र तसे निष्पन्न न झाल्यास त्यावर सुद्धा विधिवत अंत्यसंस्कार करण्यात येतील असे मंत्री गिरीश महाजन यांच्या मध्यस्थीने निश्चीत करण्यात आले आहे.
इंजिनीअर झाली, नोकरीही मिळाली; पण जॉईनिंग नशिबी नव्हतं; संजीवनीच्या स्वप्नांची राखरांगोळी