सदर अपघाताची माहिती मिळताच विधानपरिषदेचे विरोधी पक्षनेते अजित पवार यांचे स्वीय सहाय्यक सुनील कुमार मुसळे यांनी तातडीने संबंधित यंत्रणांशी संपर्क करून सूत्रे हलवली. त्यामुळे जखमींना तात्काळ रुग्णालयात दाखल करण्यात आले. डीएनए चाचणीद्वारे मृतांची ओळख पटवून मृतदेह नातेवाईकांच्या ताब्यात देण्यात येणार असल्याची माहिती आहे.

याबाबत अधिक माहिती अशी की, कैलास गंगावणे आणि कुटुंबीय हे त्यांचा मुलगा आदित्य गंगावणे याचे मेरिटमध्ये नाव आल्याने नॅशनल लॉ स्कूल नागपूर येथे त्याच्या प्रवेशासाठी गेले होते. दरम्यान, ते पुण्याकडे परतत असताना बुलढाणा जिल्ह्यातील सिंदखेडराजा येथील पिंपळे गावाजवळ ते प्रवास करत असलेल्या बसचा अपघात झालाने त्यांचा मृत्यू झाला.

Buldhana Bus Accident: बस नवीन होती, चालक अनुभवी होता पण अनर्थ.. विदर्भ ट्रॅव्हल्सचे संचालक,एजंट म्हणाले..
जखमींना उपचारासाठी बुलढाणा येथील जिल्हा रुग्णालयात दाखल करण्यात आले आहे. या घटनेनंतर प्रशासनाने हेल्पलाईन क्रमांकही जारी केले आहेत. ही बस वातानुकूलित असल्याने अपघातानंतर बसचा दरवाजा जाम झाला. त्यामुळे प्रवाशांना बाहेर पडता आले नाही. अपघातानंतर बसची पुढील काच फुटल्याने बस चालक आणि क्लिनरला बसच्या बाहेर पडण्यात यश आले. नागपुरातून बसमध्ये चढणाऱ्या प्रवाशांची यादी मागवण्यात आल्याची माहिती पोलीस नियंत्रण कक्षाने दिली आहे. परंतु मृताची ओळख पटवण्यासाठी डीएनए चाचणीशिवाय पर्याय नसल्याचे पोलिसांचे म्हणणे आहे.

Buldhana Bus Accident : मायलेक काचेवर हात आपटत गयावया करत होते, पण मदत मिळेना, सर्वांच्या डोळ्यादेखत जळून कोळसा