मुंबई : पंतप्रधान नरेंद्र मोदी आज एकाच दिवशी पाच वंदे भारत एक्स्प्रेसचं लोकार्पण करणार आहेत. नरेंद्र मोदी भोपाळ येथील कार्यक्रमातून पाच वंदे भारत एक्स्प्रेसचं लोकार्पण करणार आहेत. हिरवा झेंडा दाखवतील. यासाठी नरेंद्र मोदी भोपाळमध्ये उपस्थित राहणार आहेत. भोपाळ- इंदोर आणि भोपाळ जबलपूर वंदे भारत एक्स्प्रेसचं यांना हिरवी झेंडी दाखवून ते लोकार्पण करतील. त्याचवेळी ते रांची-पटना वंदे भारत एक्स्प्रेस, धारवाड-केएसआर बंगळुरु आणि मडगाव-मुंबई या तीन वंदे भारत एक्स्प्रेसचा व्हिडिओ कॉन्फरन्सिंगद्वारे शुभारंभ करणार आहेत.
मडगाव-मुंबई वंदे भारत गोवा (मडगाव) – मुंबई वंदे भारत एक्सप्रेस ही गोव्यातील पहिली वंदे भारत एक्सप्रेस असणार आहे. गोवा- मुंबईदरम्यानच्या प्रवासात 1 तासाची बचत या एक्स्प्रेसमुळं होईल. यामुळं राष्ट्रीय आणि आंतरराष्ट्रीय प्रयटनाला चालना मिळणार असून पर्यटक पश्चिम घाटातील प्रेक्षणीय दृष्यांचा आनंद घेऊ शकतात. दादर, ठाणे, पनवेल, खेड, रत्नागिरी, कणकणवली, थिविम या स्थानकांवर ही एक्स्प्रेस थांबेल.
मडगाव-मुंबई वंदे भारत गोवा (मडगाव) – मुंबई वंदे भारत एक्सप्रेस ही गोव्यातील पहिली वंदे भारत एक्सप्रेस असणार आहे. गोवा- मुंबईदरम्यानच्या प्रवासात 1 तासाची बचत या एक्स्प्रेसमुळं होईल. यामुळं राष्ट्रीय आणि आंतरराष्ट्रीय प्रयटनाला चालना मिळणार असून पर्यटक पश्चिम घाटातील प्रेक्षणीय दृष्यांचा आनंद घेऊ शकतात. दादर, ठाणे, पनवेल, खेड, रत्नागिरी, कणकणवली, थिविम या स्थानकांवर ही एक्स्प्रेस थांबेल.
भोपाळ (राणी कमलापती) – इंदोर वंदे भारत एक्सप्रेस मुळं भोपाळ आणि महाकाल नगरी उज्जैनसह इंदोरदरम्यानच्या प्रवासाच्या वेळेत १ तासाची बचत होणार आहे. तर, भोपळ जबलपूर वंदे भारत एक्स्प्रेसमुळं दरम्यान प्रवासातील वेळेत १ तासाची बचत होईल. या दोन्ही एक्स्प्रेमुळं मध्यप्रदेशच्या पर्यटनाला चालना मिळणार आहे.
रांची – पटना वंदे भारत एक्सप्रेस ही बिहार आणि झारखंड राज्यातील पहिली वंदे भारत ट्रेन आहे. दोन्ही राज्यांच्या राजधान्यांमधील ट्रेन प्रवास १ तास ४५ मिनिटांनी कमी होणार आहे. दुर्गम टेकड्या कापून तयार केलेल्या बरकाकाना ते रांची (व्हाया सिधवार व शॉकी) या नवीन मार्गावर धावणारी पहिली ट्रेन असेल.याचा बिहार आणि झारखंडच्या पर्यटनाला देखील फादा होणार आहे.
धारवाड केएसआर बंगळुरू वंदे भारत एक्सप्रेस मुळं धारवाड ते केएसआर बंगळुरूदरम्यानच्या प्रवासाच्या वेळेत 1 तासाची बचत होणार आहे. उत्तर कर्नाटकाचे प्रवेशद्वार हुबळी-धारवाडची देशातील सिलिकॉन व्हॅली आणि स्टार्टअप राजधानी बंगळुरूशी वेगवान कनेक्टिव्हिटी निर्माण होईल.
Mumbai Weather Forecast: मुंबईत आज अतिमुसळधार पावसाची शक्यता; शहरासह या जिल्ह्यांना ऑरेंज अ‍ॅलर्ट
दरम्यान, ओडिशातील रेल्वे अपघातामुळं मडगाव-मुंबई वंदे भारत एक्स्प्रेसचं उद्घाटन लांबणीवर टाकण्यात आलं होतं. ते आज पार पडणार आहे.