July 2023 Bank Holidays: बँकांशी संबंधित कामे करून घ्या; जुलैमध्ये १५ दिवस बँका बंद, पाहा संपूर्ण यादी
धोबीघाट परिसरातील चाळीत दुर्वाच्या वडिलांचे घर होते. या चाळी तुटून जवळपास १५ वर्षे झाली. तिथे इमारती उभ्याही राहिल्या आहेत. पण, अंतर्गत वाद आणि प्रकरण न्यायप्रविष्ट असल्याने त्यांना अद्याप घराचा ताबा मिळालेला नाही. बिल्डरने पहिली पाच-सहा वर्षे भाडे दिले. नंतर तेसुद्धा बंद झाले. अशा स्थितीत प्रसाद यांचे बंधू जीवन भोसले यांनी आधार दिला. मागील अनेक वर्षांपासून ते भावाच्या जोडीने वृत्तपत्रविक्रीचा व्यवसाय करतात. घरातील १० माणसांचा उदरनिर्वाह होईल, मुलांच्या शिक्षणाचा खर्च जेमतेम भागेल एवढे उत्पन्न यातून प्राप्त होते. घरातील कामातून वेळ मिळेल तसे शिलाईकाम करून दुर्वाची आई जमेल तितकी आर्थिक साथ देते. करोनाकाळात वृत्तपत्रविक्रीवर परिणाम झाल्याने हे कुटुंब आर्थिक विवंचनेत सापडले होते. परंतु यावेळी प्रसाद यांच्या मिल कामगार असलेल्या वडिलांच्या गाठीस असलेली पुंजी त्यांचा आधार ठरली.

अशा सगळ्या परिस्थितीतून जिद्दीने मार्गाक्रमण करत दहावीत चमकदार यश मिळवलेल्या दुर्वाला आयटी किंवा कम्प्युटर इंजिनीअर व्हायचे आहे. अर्थात, तिची या ध्येयाकडील वाटचाल ‘मटा’च्या मायबाप वाचकांच्या सढळ हस्ते मदतीतून अधिक सहज-सुकर होईल!