ग्रामीण गुन्हे शाखा पोलिसांनी दिलेल्या माहितीनुसार ११ जून रोजी शहापुर तालुक्यातील शिवनेर फर्डेपाडा गावाच्या हद्दीत अटक आरोपी अरुण फर्डे यांच्या शेतात एक अनोळखी पुरुषाचा मृतदेह खड्डयात पुरलेल्या स्थितीत मिळुन आला होता. या घटनेची माहिती शहापूर पोलीस पथकाला मिळताच घटनास्थळी दाखल होऊन तहसील प्रशासन, शासकीय डॉक्टर. अधिकाऱ्याच्या उपस्थित शेतातील खड्यात पुरलेला मृतदेह बाहेर काढून शवविच्छेदनासाठी ठाणे सिव्हल रुग्णालयात रवाना करून शहापुर पोलीस ठाण्यात अकस्मात मृत्युची नोंद करून मृतदेहाची ओळख पटविण्याचा तपास सुरू केला.

आधी कंपासमधील कटर ब्लेडने गळ्यावर वार, नंतर डोक्यात दगड घातला; दर्शना पवारच्या हत्येबाबत राहुलचा कबुलीजबाब

अंगठीवरून पटली मृतदेहाची ओळख..

हत्येचा प्रकार भयानक असल्याचे गांभीर्य ओळखून ठाणे ग्रामीण गुन्हे शाखेचे वरीष्ठ पोलीस निरीक्षक, सुरेश मनोरे यांनी सदर मृतदेहाची ओळख पटविण्यासाठी पोलीस पथके तयार केली. विशेष म्हणजे मृतदेहाची ओळख पटू नये म्हणून आरोपींनी मृतकाच्या चेहऱ्यावर गंभीर जखमा केल्या होत्या. तर मृताच्या अंगात केवळ बनियान आणि अंडरवेअर होते. त्यामुळे मुतदेहाची ओळख पटविण्याचे पोलीस पथकासमोर आव्हान होते. तपासादरम्यान मृतदेहाचा अहवाल आल्यानंतर टीसीची विषारी सर्पदंश करून त्यांचा शस्त्राने गळा चिरल्याचे समोर आले. दुसरीकडे ठाणे जिल्ह्यातील विविध पोलीस ठाण्याच्या हद्दीतून बेपत्ता असलेल्या व्यक्तीचे फोटो, वर्णन आणि नाव प्राप्त केली. त्यानंतर मृतदेहाच्या हातातील बोटात असलेल्या अंगठीवरून ओळख पटविली असता मृतक कल्याण पूर्वेतील चक्की नाका येथे राहणारा गोपाळ रंगया नायडु असून ते सेवानिवृत्त टि.सी असल्याचे निष्पन्न झाले.

मृत गोपाळ हे ३ जून पूर्वी बेपत्ता असल्याची तक्रार त्यांच्या नातेवाईकांनी कोळसेवाडी पोलीस ठाण्यात दाखल केली होती. गुन्हे शाखेच्या पथकाने मृतकच्या नातेवाईकांना मृतदेह दाखवला असता त्यांनी गोपाळ नायडु यांचाच मृतदेह असल्याचे पोलिसांना सांगितले. त्यानंतर गुन्हे शाखेच्या पथकाने आरोपींचा शोध सुरू केला. दरम्यान, ठाणे ग्रामीण गुन्हे शाखा पथकाने गुप्त बातमीदार तसेच तांत्रीक तपास करुन हत्या करणारे आरोपीचा कसोशीने शोध घेऊन अरुण जग्गनाथ फर्डे, आणि सोमनाथ रामदास जाधव याला कल्याण मधून ताब्यात घेवुन त्यांच्याकडे अधिक चौकशी केला असता त्यांनी फरार मुख्य आरोपी रमेश मोरेसह सर्पमित्रांच्या मदतीने सर्पदंश करून रेल्वे टीसीची हत्या केल्याची कबुली गुन्हे शाखेचा पथकाला दिली होती.

ती मुलगी मला ब्लॅकमेल करत होती; रिक्षाचालकाने मृत्यूला कवटाळलं, शेवटच्या क्षणाचा Video

धक्कादायक बाब म्हणजे फरार मुख्य आरोपी मोरे याने मृतक गोपाळ यांच्या कडून १६ लाख रुपये उसने घेतले होते. तर त्याचवेळी भिवंडी तालुक्यातील पडघा येथे राहणारे बाळु पाटील यांचीही पैशांची देवाण- घेवाणवरून विषारी सर्पदंश करून हत्या केल्याचे पोलीस तपासात समोर आल्याची माहिती शहापूर पोलीस ठाण्याचे पोलीस निरीक्षक राजकुमार उपासे यांनी दिली आहे. उसने पैसे परत मिळण्यासाठी मृतक गोपाळ , बाळु पाटील हे मुख्य आरोपी मोरे याच्याकडे तगादा लावत होते. त्याचाच राग मनात धरुन मुख्य आरोपी मोरे याने सर्पमित्र आणि त्यांच्या साथीदाराच्या मदतीने खुनाचा कट रचल्याचे पोलीस तपासात समोर आले.

३ जून रोजी मृत गोपाळ यांना उसने पैसे परत देण्याच्या बहाण्याने शहापूर तालुक्यातील शिवनेर फर्डेपाडा गावाच्या हद्दीत असलेल्या आरोपी अरुण फर्डे याच्या शेतात नेऊन दारूची पार्टी केली. त्यानंतर गोपाळ यांना विषारी नागाचा सर्पदंश देऊन नंतर त्यांचा शस्त्राने गळा चिरून निर्घृण हत्या करून त्यांचा मृतदेह शेतातील एका खड्यात पुरल्याचे निष्पन्न झाले. तसेच याच आरोपींनी पडघा येथे राहणाऱ्या बाळु पाटील यांचीही पैशांच्या व्यवहारातून सर्पदंश देऊन हत्या केल्याचे समोर आल्याने अटक व फरार आरोपी विरोधात शहापूर पोलीस ठाण्यात भावदी कलम 302, 201, 34 प्रमाणे दुहेरी हत्या केल्याचा गुन्हा दाखल करत मुख्य आरोपीचा अद्यापही शोध सुरू असल्याची माहिती शहापूर पोलीस ठाण्यातून देण्यात आली आहे.