रविरारी रात्री दहा वाजले तरीही लक्ष्मीपार्वती ही जेवणासाठी आली नाही. तिच्या मैत्रिणींनीही फोन करून तिच्याशी संपर्क करण्याचा प्रयत्न केला. पण तिच्याकडून कुठलाही प्रतिसाद मिळाला नाही. त्यानंतर स्वयंपाक करणारी महिला आणि तिच्या मैत्रिणी तिला बोलवण्यासाठी तिच्या रूमवर पोहचल्या. पण तिच्या खोलीचा दरवाजा आतून लावलेला होता. कित्येकदा दरवाजातून तिला हाक दिल्या तरीही त्यावर कुठलाही प्रतिसाद नव्हता. मग काही तरुणींनी खिडकीतून डोकावून पाहिलं. यावेळी तिने गळफास घेतल्याचे त्यांना दिसून आले. या घटनेनंतर वसतिगृहात प्रचंड आरडाओरडा झाला. वसतिगृहात देखरेख करणाऱ्या महिला या संदर्भात माहिती देण्यासाठी सिव्हिल लाइन पोलीस ठाण्यात रात्री अकरा वाजता दाखल झाल्या. यावेळी पोलीस स्टेशनमध्ये पोलीस उपनिरीक्षक विजय खडसे ड्युटीवर होते. त्यांनी लागलीच वसतिगृहात भेट दिली.
Crime News: आत्महत्या भासवत पत्नीचा गेम, पती अन् सासू-सासर्‍यांचा भयंकर कट; सुखी संसाराला असा लावला सुरूंग
खोलीत प्रवेश करण्यासाठी तोडावी लागली खिडकी

मुलीनं खोलीच्या दरवाजाच्या पाच फुटाच्या अंतरावर कडीकोंड्याला ओढणीने गळफास घेऊन आत्महत्या केली होती. त्यामुळे खोलीचा दरवाजा तोडणं अशक्य होतं. यासाठी पोलिसांनी मजुरांना बोलावून रूमच्या खिडकीचे ग्रील तोडून आत प्रवेश केला. त्यानंतर तिचा मृतदेह मध्यरात्रीनंतर अकोल्याच्या शासकीय रुग्णालयात वैद्यकीय चाचणीसाठी पाठवण्यात आला.

हाताने होती अपंग, गेल्या काही दिवसांपासून…

लक्ष्मीपार्वती ही हाताने अपंग होती. गेल्या १ मे रोजी मुलींच्या या वसतिगृहात दाखल झाली होती. पुढं चार ते पाच दिवस इथे राहिले. त्यानंतर ती पुण्याला आजीकडे राहायला गेली होती आणि तिथे तिने शिकवणी क्लास सुरू केले होते. आता पुन्हा ६ जूनपासून ती वसतिगृहात राहायला आली होती. इथे NEET परीक्षेसाठी शिकवणी क्लास सुरू केले. या वसतिगृहात एकत्रित सुमारे ३७ मुली आहेत. तिची रूम पार्टनर असलेली मुलगी तिच्या घरी लग्न समारंभ असल्यामुळे गेल्या सात दिवसांपासून गावी आहे. परंतु गेल्या काही दिवसांपासून ‘ती’ गुमसुम असायची असे सांगण्यात आले. काल रात्री वसतिगृहात असं काय घडलं की तिला आत्महत्ये सारखे टोकाचे पाऊल उचलावे लागले. याचाही तपास पोलिसांना करावा लागणार आहे.