आमदार गीता जैन यांनी अभियंत्याचा शर्ट खेचला, कानशिलातही लगावली; नेमकं काय घडलं?कल्याण जिल्हा प्रभारी आणि प्रदेश सचिव राजन भोसले यांनी भाषणाला सुरुवात केली. मित्रांनो आज आपल्याकडे महत्त्वाचा दिवस आहे. याच दिवशी राजीव गांधी यांची हत्या झाली होती. राजीव गांधी याचा आज स्मृती दिवस असल्याने मी त्यांना विनम्र अभिवादन करतो. अशा दूरदृष्टी नेत्यामुळेच… असे बोलत असताना महिला जिल्हाध्यक्षा कांचन कुलकर्णी या त्यांनी त्यांना हटकले. त्यांनी त्यांची चूक निदर्शनास आणून दिली. आज स्मृती दिन नाही. तेव्हा लगेच भोसले यांनी त्यांची चूक सुधारत राजीव गांधी यांचा स्मृती दिन २१ मे रोजी असतो, असे सावरून घेतले.
काँग्रेसच्या प्रदेश सचिवला राजीव गांधी यांचा स्मृती दिन कोणता हे माहिती नसल्याने मंचावरील प्रदेशाध्यक्ष नाना पटोले यांच्यासह पदाधिकारी, कार्यकर्ते हैराण झाले. प्रदेश सचिव भोसले यांनी त्यांच्य भाषणात अकलेचे तारे तोडल्याने त्यांचे हे भाषण चर्चेचा विषय झाले आहे.