एकनाथ शिंदेंना जे महिनाभर आधीच माहिती होतं, त्याची फडणवीसांना जराशीही कल्पना नव्हती: नितीन देशमुख

यानंतर मी हॉटेलशेजारी असलेल्या पान टपरीवाल्याशी बोलायला लागलो. त्याला विचारलं हा रस्ता कुठे जातो? त्यावर पान टपरीवाला म्हणाला की, हा महामार्ग थेट सुरतला जातो, गुजरात बॉर्डर इथून १०० किलोमीटर अंतरावर आहे. त्याचं उत्तर ऐकून मी ओळखलं की, नक्की काहीतरी गडबड आहे. पण मी हिंमत सोडली नाही, आपण कुठेही गेलो तरी पक्षाशी प्रामाणिक राहायचे, हे मनोमन ठरवले. तिथून निघताना प्रकाश आबिटकर दुसऱ्या गाडीत बसले. मी पुन्हा एकनाथ शिंदे साहेबांच्या गाडीत बसलो. गाडीच्या मागच्या सीटवर शिंदे साहेबांचा पीए प्रभाकर, संदीपान भुमरे, अब्दुल सत्तार असे चौघेजण बसलो होतो. तर शिंदे साहेब पुढच्या सीटवर बसले होते. पालघरमधून निघाल्यावर शिंदे साहेबांनी एकेकाला फोन लावायला सुरुवात केली. हा निघाला का, तो निघाला का? गाड्या कुठपर्यंत पोहोचल्या?, असे ते फोनवर विचारत होते. मग मला पूर्णपणे विश्वास बसला की, आता आपण बाहेर चाललो आहोत आणि काहीतरी गडबड आहे, असे नितीन देशमुख यांनी सांगितले.