पिंपरी चिंचवड : पिंपरी चिंचवड परिसरात वेश्या व्यवसायाचे प्रमाण वाढू लागले आहे. पिंपरी चिंचवड परिसरातील वाकड हद्दीत स्पा सेंटरच्या नावाखाली वेश्या व्यवसाय करणाऱ्यांचा पोलिसांनी पर्दाफाश केला आहे. अनैतिक मानवी वाहतूक प्रतिबंधक पथकाने छापेमारी करत दलालाशिवाय अन्य एका महिलेला ताब्यात घेतले आहे, तर दोन पीडित मुलींची सुटका करण्यात आली आहे. या प्रकरणी वाकड पोलीस ठाण्यात गुन्हा दाखल करण्यात आला आहे.दलाल रोहन विलास समुद्रे आणि अन्य एक महिला अशी ताब्यात घेतलेल्या आरोपींची नावे आहेत. या कारवाईमुळे परिसरात अन्य काही सुरू असलेल्या अवैध स्पा सेंटरचे धाबे दणाणले आहेत.
याबाबत पोलिसांनी दिलेली माहिती अशी की, पिंपरी चिंचवड शहरातील रहाटणी परिसरात असलेल्या अॅपल स्पा सेंटरमध्ये अवैध पद्धतीने सेक्स रॅकेट सुरु असल्याची माहिती अनैतिक मानवी वाहतूक पथकाला मिळाली होती. त्यानंतर पोलीस निरीक्षक देवेंद्र चव्हाण यांच्या मार्गदर्शनाखाली या ठिकाणी पोलिस कर्मचाऱ्यांनी बनावट ग्राहक बनून अॅपल स्पा सेंटरमध्ये प्रवेश केला.
पहिल्या नवऱ्याला कर्जात बुडवलं, त्याने जीव देताच मामाला पटवलं, मयत अप्सराची कुंडली समोर
सर्व गोष्टींची शहानिशा केल्यानंतर त्या ठिकाणी छापा टाकला. या छाप्यात एक महिला आणि दलाल रोहन विलास समुद्रेला अटक करण्यात आली. या स्पा सेंटरमधून इतर दोन पीडित मुलींची सुटका करण्यात आली.
वडिलांचा आदेश अन् मुलाचा भडका, जन्मदात्यावर फावड्याने वार, तरुण लेकाने बापाला संपवलं
वाकड पोलिसांनी याची दखल घेतली. दोन आरोपी विरुद्ध अनैतिक व्यापार प्रतिबंध अधिनियम १९५६ चे काळ ३,४,५ अन्वये गुन्हा नोंद करण्यात आला आहे. या कारवाईमध्ये पोलीस आयुक्त विनयकुमार चौबे यांच्या मार्गदर्शखाली अनैतिक मानवी वाहतूक प्रतिबंधकी कक्षातील पोलीस निरीक्षक देवेंद्र चव्हाण आणि त्यांची पथकाने केली आहे.