भुसावळ शहरापासून जवळच अकलूज शिवारात एक इंग्लिश मीडियम स्कूल आहे. आज सकाळी येथील शिक्षकांनी नियमीतपणे विद्यार्थ्यांच्या दप्तराची तपासणी केली असता नववीच्या विद्यार्थ्याच्या दप्तरात गावठी पिस्तूल आढळून आलं. यामुळे शिक्षकांना धक्का बसला. या संदर्भातील माहिती शाळेच्या प्रशासनाला देण्यात आली.
Prakash Ambedkar: औरंगजेबावरुन वाद निर्माण करणारे त्याच्याच दरबारात नोकऱ्या करायचे, प्रकाश आंबेडकरांनी फटकारलं
यानंतर सदर विद्यार्थ्याच्या विरोधात फैजपूर पोलीस स्थानकात तक्रार नोंदविण्यात आली असून गावठी कट्टा जप्त करण्यात आला आहे. विद्यार्थ्याकडे गावठी पिस्तूल कसे आले? त्याने दप्तरात ठेवून शाळेत कशासाठी आणले होते? या सर्व गोष्टींचा पोलीस शोध घेत आहे. दरम्यान, एका प्रतिष्ठित शाळेतील विद्यार्थ्याकडे गावठी पिस्तूल आढळून आल्यामुळे एकच खळबळ उडाली आहे.
काँग्रेस-राष्ट्रवादी-ठाकरे गटाचे नेते भाजपच्या गळाला, फडणवीसांच्या उपस्थितीत प्रवेश ठरले