शिवसेना-भाजपमधील वाद, शिंदे-फडणवीस यांच्यात बंद दाराआड चर्चा, बैठकीत निघाला हा तोडगा
‘अजित पवार आमच्या सरकारमध्ये यावेत’

‘विरोधी पक्षनेते अजित पवार बोलतात तेव्हा लोक त्यांना गांभीर्याने घेतात, संजय राऊत यांच्या बोलण्याकडे मात्र कोणी लक्ष देत नाही. सामाजिक ऐक्य राखण्यात अजित पवार आघाडीवर असतात. त्यांच्यासोबत काय राजकारण घडते, ते संपूर्ण महाराष्ट्राने पाहिले आहे. त्यामुळे अजित पवार आमच्या सरकारमध्ये यावेत, अशी आमची इच्छा आहे,’ असे शालेय शिक्षणमंत्री दीपक केसरकर शुक्रवारी स्पष्ट केले.
फडणवीसांनंतर शिंदेंचाही शिलेदार सभागृहात? समर्थकांकडून राज्याच्या कानाकोपऱ्यात पोस्टर्स, राजकीय एंट्रीचे संकेत
‘अजित पवार यांच्याबद्दल अतिशय आदर आहे. ते विरोधी पक्षाचे जबाबदार नेते आहेत. संजय राऊत यांच्यासारखे लोक रोज बोलतात. त्यांच्या बोलण्याकडे कोणी लक्ष देत नाही. पण, अजित पवार बोलतात, तेव्हा लोक त्यांना गांभीर्याने घेतात. त्यामुळे सामाजिक ऐक्य राखण्यामध्ये अजित पवार आमच्यासोबत आघाडीवर असतात. त्यांनी सरकारमध्ये यावे, अशी आमची अपेक्षा आहे,’ असे ते म्हणाले.

हे जाहिरातीचे सरकार

अमळनेर : ‘राज्यातील सरकारमध्ये तुझ्यापेक्षा मी मोठा ही जणू काही स्पर्धा सुरू झाली आहे. सत्तेसाठी काहीही करणारे हे जाहिरातीचे सरकार आहे,’ अशा शब्दांत राज्याचे विरोधी पक्षनेते अजित पवार यांनी शिंदे-फडणवीस सरकारवर टीका केली. अमळनेर येथे पत्रकार परिषदेत ते बोलत होते.

‘सध्याचे सरकार केवळ प्रशासनातील अधिकाऱ्यांची बदल्या करीत आहे. त्यामुळे चांगल्या अधिकाऱ्यांना याचा फटका बसला आहे. सध्या बेरोजगारी आणि महागाईने नागरिक त्रस्त आहेत. अवकाळी पावसाने मोठे नुकसान केले. कांदा व कापूस उत्पादकांची घोर निराशा झाली आहे, असे पवार म्हणाले. भारताची लोकसंख्या वाढत आहे, त्या संदर्भात विधेयक आल्यास त्याला माझे वैयक्तिक समर्थन राहील. सर्व राजकीय पक्षांनी दोनच अपत्ये हवीत, असा कायदा आणला पाहिजे, असेही त्यांनी स्पष्ट केले.