याबाबत पोलिसांना माहिती मिळताच पोलिसांनी चौकात वाढदिवस साजरा करणाऱ्या चांदगुडेसह राहुल राजेंद्र मदने , विकास नानासो चंदनशिवे, अक्षय भीमराव कांबळे (26), सागर रमेश आटोळे यांच्यावर भादवि कलम १४३, १४७, १४९, ५०४, ५०६ व क्रिमिनल अमेंडमेंट अॅक्ट कलम सात प्रमाणे गुन्हा दाखल करण्यात आला आहे. दरम्यान त्याचे इतर समर्थक पोलिसांना पाहताच रस्ता मिळेल तिकडे पळून गेले. ज्याचा वाढदिवस होता तोही पसार झाला.

नेत्यांचे, भाईंचे, मित्रांच्या वाढदिवसानिमित्त भर रस्त्यात केक कापणाऱ्यांनी यापुढे पोलिसांचे वरील कलमाप्रमाणचे प्रमाणपत्र सुद्धा घेण्यास तयार राहावे. विशेष करून कॉलेजियन्स लोकांनी याबाबत जास्त खबरदारी घ्यावी. एकदा गुन्ह्याचे प्रमाणपत्र भेटले तर त्यांच्या गुणवत्तेच्या इतर प्रमाणपत्राची किंमत झिरो होते. असे आवाहन बारामती शहर पोलीस ठाण्याचे पोलीस निरीक्षक सुनील महाडिक यांनी केले आहे. सदरची कारवाई उपविभागीय पोलीस अधिकारी गणेश इंगळे, पोलीस निरीक्षक सुनील महाडिक यांच्या आदेशान्वये गुन्हे प्रकटीकरण पथकाचे अधिकारी व कर्मचारी यांनी केली.