अहमदनगर : कर्जत कृषी उत्पन्न बाजार समितीवर भाजपचा झेंडा फडकलाय. सभापतीपदी भाजपचे काकासाहेब तापकीर तर उपसभापतीपदी भाजपच्या अभय पाटील यांचा विजय झालाय. रोहित पवार यांचा एक संचालक फुटल्याने शिंदे गटाची सरशी झालीये. रोहित पवार आणि राम शिंदे यांच्या पॅनेलचे ९-९ सदस्य निवडून आले होते. जामखेडमध्ये ईश्वर चिठ्ठीवर राम शिंदे यांचा सभापती झाला होता. त्यामुळे जामखेडसह कर्जत बाजार समितीवरही शिंदे गटाचाच वरचष्मा राहणार आहे.
भाजप आमदार राम शिंदे आणि राष्ट्रवादीचे आमदार रोहित पवारांनी ही निवडणूक प्रतिष्ठेची केली होती. संचालक पदाच्या निवडणुकीत दोन्ही गटांना ९-९ अशा समसमान जागा मिळाल्या होत्या. यात राम शिंदे यांच्या गटातील दोन उमेदवारांनी फेर मतमोजणीची मागणी केली होती. परंतु मतमोजणीत कोणताही बदल झाला नाही.
भाजप आमदार राम शिंदे आणि राष्ट्रवादीचे आमदार रोहित पवारांनी ही निवडणूक प्रतिष्ठेची केली होती. संचालक पदाच्या निवडणुकीत दोन्ही गटांना ९-९ अशा समसमान जागा मिळाल्या होत्या. यात राम शिंदे यांच्या गटातील दोन उमेदवारांनी फेर मतमोजणीची मागणी केली होती. परंतु मतमोजणीत कोणताही बदल झाला नाही.
आज सभापती उपसभापती यांची निवडणूक प्रक्रिया पार पडली. यात सभापती पदासाठी भाजपच्या काकासाहेब तापकीर यांना ९ मते मिळाली तर राष्ट्रवादीच्या गुलाब तनपुरे यांना ८ मते मिळाली राष्ट्रवादीचे एक मत बाद झाल्याने काकासाहेब तापकीर यांचा विजय झाला. तर उपसभापती पदासाठी भाजपच्या अभय पाटील यांना १० मतं मिळाली तर राष्ट्रवादीच्या अक्षय शेवाळे यांना ८ मते मिळाली आणि उपसभापतीपदी भाजपच्या अभय पाटील यांचा विजय झाला. उपसभापतीपदाच्या निवडणुकीत राष्ट्रवादीचे एक मत फुटलं. अखेर राम शिंदे यांनी कर्जत कृषी उत्पन्न बाजार समितीमध्ये राजकीय खेळी करत रोहित पवार यांना धक्का दिला.
दोन्ही बाजार समित्या शिंदेंकडे!
जामखेड बाजार समितीच्या निवडणुकीतही शिंदे आणि पवार यांच्या पॅनेलला समसमान मते मिळाली होती. जामखेडला ईश्वर चिठ्ठीवर राम शिंदे गटाचा उमेदवार सभापती झाला. तर रोहित पवारांच्या गटाचा उपसभापती झाला. त्यामुळे दोन्ही बाजार समित्या राम शिंदेंच्या ताब्यात आल्या आहेत. त्यामुळे राम शिंदेंची ताकद आता कर्जत-जामखेडमध्ये वाढल्याचं बोललं जातंय.
आपला तो आपलाच असतो…
भाजपचे सभापती उपसभापतीचे दोन्ही उमेदवार विजयी झाल्यानंतर राम शिंदे यांनी या विजयाबद्दल प्रतिक्रिया व्यक्त करताना म्हटलं, यावर्षी कुकडीचे चार आवर्तन सुटल्यामुळे त्याचे प्रतिबिंब या मतदानात दिसले आणि स्वाभिमानी शेतकऱ्यांना अन् लोकांना आता कळलं आपला तो आपलाच असतो, त्यामुळे या निवडणुकीत राष्ट्रवादीला तिसरा धक्का देण्यात यश मिळाले असल्याचं आमदार राम शिंदे म्हणाले.