म. टा. खास प्रतिनिधी, मुंबई : परळ येथे पार्टी करून अंधेरी येथील घरी परतत असताना कारवरील नियंत्रण सुटल्याने ती झाडावर आदळून झालेल्या अपघातामध्ये दोघांचा मृत्यू झाला. हा अपघात शुक्रवारी रात्री दादर येथे घडला. सुनील दत्तवाणी (२९), सतीश यादव (३१) अशी मृत्यू झालेल्यांची नावे आहेत, तर या अपघातात तीन जण जखमी झाले आहेत.

अंधेरी येथील सुदर्शन झिंजुरटे हा त्याच्या चार मित्रांसोबत परळ येथे पार्टीसाठी आला होता. पार्टी करून मध्यरात्रीनंतर किया कारमधून सर्वजण घरी परतत होते. सुदर्शन हा कार चालवत होता. कार भरधाव असताना ती स्पीडब्रेकरवरून रस्त्यावरील दुभाजकाला धडक देत पुन्हा डाव्या दिशेस असलेल्या मधानी इस्टेटच्या समोरील फुटपाथवरील वडाच्या झाडास धडकली. या अपघातात सुनील, सतीश यांच्या केविन पिलई, साद अन्सारी आणि चालक सुदर्शन हे सर्व जखमी झाले. अपघातामुळे कारचे दरवाजे बंद झाल्याने कुणालाही बाहेर पडता येत नव्हते. दादर पोलिसांचे पथक घटनास्थळी पोहोचले व सर्वांना केईएम रुग्णालयात दाखल करण्यात आले.

तान्हं बाळं रडू नये म्हणून तोंडाला चिकटपट्टी लावली; महापालिकेच्या रुग्णालयातील धक्कादायक प्रकार

शिंदेंच्या बालेकिल्ल्यात भाजपचे शक्तिप्रदर्शन; युतीतील ताणलेल्या संबंधांना आणखी एक धक्का?

केईएममध्ये उपचार सुरू असताना सुनील व सतीश यांचा मृत्यू झाला, तर इतर तिघांवर उपचार सुरू आहेत. सुदर्शनविरोधात गुन्हा दाखल करण्यात आला असून, त्याने मद्यप्राशन केल्याचे वैद्यकीय अहवालातून स्पष्ट होईल, असे पोलिसांनी सांगितले.