मुंबई : ज्येष्ठ नेते शरद पवार यांचा दोन महिन्यांपूर्वी भाकरी फिरविण्याचा निर्णय फसला होता, मात्र आज त्यांनी तो पूर्णत्वास नेला. खासदार सुप्रिया सुळे यांच्या खांद्यावर पक्षाच्या कार्यकारी अध्यक्षपदाची जबाबदारी देऊन पवारांनी आपला राजकीय वारसदारच घोषित केला. सुप्रिया सुळे यांच्या जोडीला ज्येष्ठ नेते प्रफुल्ल पटेल यांच्यावरही कार्यकारी अध्यक्षपदाची जबाबदारी दिली गेली आहे. शरद पवार यांनी ज्यावेळी सुळे यांच्या नावाची घोषणा केली, त्यावेळी मंचावर बसलेल्या अजित पवार यांची मान खाली होती. नंतर ‘एबीपी माझा’ने त्यांच्याशी बोलण्याचा प्रयत्न केला, मात्र आवाज येत नाही असं कारण सांगून दादांनी बोलणं टाळलं. दादांच्या ‘नो कमेंट्स’च्या टायमिंगची चर्चा सगळीकडे झाली. अखेर त्यांनी प्रसिद्धीपत्रक काढून नवनिर्वाचित पदाधिकाऱ्यांचं अभिनंदन केलं करुन नाराजीच्या चर्चांवर पडदा टाकण्याचा प्रयत्न केला.
राष्ट्रवादी काँग्रेस पक्षाची स्थापना १० जून १९९९ साली शरद पवार यांच्या नेतृत्वाखाली झाली. राष्ट्रवादी पक्ष २४ वर्ष पूर्ण करुन, २५ व्या वर्षात पदार्पण करतोय. आज वर्धापनदिनी केलेल्या भाषणात शरद पवार यांनी भाकरी फिरवण्याचा प्रण पूर्ण केला. खासदार प्रफुल्लभाई पटेल आणि खासदार सुप्रियाताई सुळे यांची पक्षाच्या कार्यकारी अध्यक्षपदी निवड करण्यात आली.
राष्ट्रवादी काँग्रेस पक्षाची स्थापना १० जून १९९९ साली शरद पवार यांच्या नेतृत्वाखाली झाली. राष्ट्रवादी पक्ष २४ वर्ष पूर्ण करुन, २५ व्या वर्षात पदार्पण करतोय. आज वर्धापनदिनी केलेल्या भाषणात शरद पवार यांनी भाकरी फिरवण्याचा प्रण पूर्ण केला. खासदार प्रफुल्लभाई पटेल आणि खासदार सुप्रियाताई सुळे यांची पक्षाच्या कार्यकारी अध्यक्षपदी निवड करण्यात आली.
अजित पवार काय म्हणाले…?
शरद पवार यांनी आपला उत्तराधिकारी म्हणून सुप्रिया सुळे यांचं नाव जाहीर केल्याने अजित पवार यांच्या नाराजीच्या चर्चा सुरु झाल्या. अजित पवार यांनी खाली मान घालूनच टाळ्यांनी पवारांच्या निर्णयाचं स्वागत केलं. त्यांचा हाच व्हिडीओ सोशल मीडियावर व्हायरल झाला. त्यानंतर नाराजीची अधिक चर्चा होण्याअगोदरच अजित पवार यांनी प्रसिद्धीपत्रक काढून नव्या पदाधिकाऱ्यांचं अभिनंदन केलं.
NCP समोर पहिलं आव्हान कोणतं? कार्यकारी अध्यक्षपदी निवड होताच प्रफुल्ल पटेलांनी सांगितलं…
राष्ट्रवादी काँग्रेस पक्षाच्या २४ व्या वर्धापन दिनी शरद पवार साहेबांच्या मार्गदर्शनाखाली खासदार प्रफुल्लभाई पटेल आणि खासदार सुप्रियाताई सुळे यांची पक्षाच्या कार्यकारी अध्यक्षपदी निवड करण्यात आली. तसेच खासदार प्रफुल्लभाई पटेल, खासदार सुप्रियाताई सुळे, खासदार सुनिल तटकरे, डॉ. योगनानंद शास्त्री, के.के. शर्मा, पी.पी. महोम्मद फैजल, नरेंद्र वर्मा, जितेंद्र आव्हाड, एस. आर. कोहली, नसीम सिद्दकी या सहकाऱ्यांना पक्षांतर्गत विविध महत्वाच्या जबाबदाऱ्या देण्यात आल्या आहेत. आदरणीय शरदचंद्र पवार साहेबांनी टाकलेला विश्वास सार्थ ठरवत दिलेल्या जबाबदाऱ्या सर्व सहकारी यशस्वीपणे पार पाडतील, असा विश्वास व्यक्त करत विधानसभेचे विरोधी पक्षनेते अजित पवार नवनिर्वाचीत पदाधिकाऱ्यांचे अभिनंदन केले आहे.
विरोधी पक्षनेते अजित पवार म्हणाले, शरद पवार यांच्या नेतृत्व आणि मार्गदर्शनाखाली ‘ऱ्हदयात महाराष्ट्र… नजरे समोर राष्ट्र’… हा विचार घेऊन रौप्य महोत्सवी वर्षात पदार्पण करणारा राष्ट्रवादी काँग्रेस पक्ष देशाच्या आणि राज्याच्या जडण-घडणीत मोलाचे योगदान देईल. राष्ट्रवादी काँग्रेस पक्षाचा प्रत्येक कार्यकर्ता, पदाधिकारी याच ध्येयाने काम करतील, हा विश्वास आहे. नवनिर्वाचित पदाधिकाऱ्यांचे अभिनंदन.