ठाणे : लिव्ह इन रिलेशनशिपमध्ये राहणाऱ्या एका ३६ वर्षीय महिलेचा तुकडे केलेला मृतदेह बुधवारी रात्री पोलिसांना आढळल्याने खळबळ उडाली आहे. सरस्वती वैद्य असं मृत महिलेचे नाव असून मिरा-भाईंदर भागातील एका इमारतीच्या सातव्या मजल्यावरील फ्लॅटमध्ये तुकडे केलेला तिचा मृतदेह आढळल्याचं नयानगर पोलिसांनी सांगितलं. मनोज साने (५६) नावाच्या व्यक्तीसोबत ती लिव्ह-इन रिलेशनशिपमध्ये राहात होती. फ्लॅटमधून दुर्गंधी येत असल्याची तक्रार स्थानिकांनी केल्यानंतर पोलीस घटनस्थळी दाखल झाले. त्यावेळी ही घटना समोर आली. मनोज साने यानेच सरस्वतीची हत्या केल्याचं स्पष्ट झालं असून या दोघांच्या नात्याविषयी पोलिसांकडून माहिती देण्यात आली आहे.
पोलिस उपायुक्त जयंत बजबळे यांनी दिलेल्या माहितीनुसार, मूळचा बोरिवलीचा असलेला मनोज साने हा सरस्वती वैद्य यांच्यासोबत लिव्ह इन रिलेशनशिपमध्ये राहत होता. बोरिवलीत रेशनिंग दुकानात दोघांची ओळख झाली. त्यानंतर २०१४ सालापासून ते दोघे सोबत राहत होते. सुरुवातीच्या काळात ते दोघेही साने यांच्या बोरिवली येथील घरी वास्तव्यास होते. मात्र काही वर्षांपूर्वी ते मिरा रोड येथे आकाशदीप सोसायटीत राहण्यासाठी गेले.
पोलिस उपायुक्त जयंत बजबळे यांनी दिलेल्या माहितीनुसार, मूळचा बोरिवलीचा असलेला मनोज साने हा सरस्वती वैद्य यांच्यासोबत लिव्ह इन रिलेशनशिपमध्ये राहत होता. बोरिवलीत रेशनिंग दुकानात दोघांची ओळख झाली. त्यानंतर २०१४ सालापासून ते दोघे सोबत राहत होते. सुरुवातीच्या काळात ते दोघेही साने यांच्या बोरिवली येथील घरी वास्तव्यास होते. मात्र काही वर्षांपूर्वी ते मिरा रोड येथे आकाशदीप सोसायटीत राहण्यासाठी गेले.
ज्येष्ठ पत्रकार अरुण फणशीकर यांचा मृत्यू; घराच्या विहिरीत सापडला मृतदेह, शहरात एकच खळबळ
अनाथ असलेल्या सरस्वती वैद्य यांचं दहावीपर्यंतचं शिक्षण झालं होतं. सरस्वती यांनी संपूर्ण शिक्षण अनाथ आश्रमामध्येच पूर्ण केलं होतं. पोलिसांनी आज आरोपीला न्यायालयात हजर केल्यानंतर न्यायाधीशांकडे विनंती केली की, ही घटना अत्यंत गंभीर असून या प्रकरणाच्या सखोल तपासासाठी आरोपीला पोलीस कोठडी देण्यात यावी. ही मागणी मान्य करत न्यायालयाने मनोज साने याला १६ जूनपर्यंत पोलीस कोठडीत ठेवण्याचे आदेश दिले आहेत.
दरम्यान, सरस्वती वैद्य यांची हत्या करताना आरोपी मनोज सानेने क्रौर्याची परिसीमाच गाठली. सरस्वती यांच्या मृतदेहाचे तुकडे करून आरोपी मनोज ते तुकडे प्रेशर कुकरमध्ये टाकायचा, ते उकळायचा आणि मग मिक्सरमध्ये बारीक करायचा. हे तुकडे पिशवीत भरून इमारतीच्या मागे असलेल्या गटारात तो फेकून द्यायचा. यासाठी मनोज साने याने त्याच्या बाईकचा वापर केला. पोलिसांनी मनोजने गुन्ह्यासाठी वापरलेली हत्यारं आणि बाईक ताब्यात घेतली असून पुढील तपास करण्यात येत आहे.