चंद्रपूर : चंद्रपूरचे काँग्रेस खासदार बाळू धानोरकर यांना अखेरचा निरोप देण्यात आला. धानोरकरांच्या पार्थिवावर आज अत्यंत शोकाकुल वातावरणात अंत्यसंस्कार करण्यात आले. धानोरकरांच्या निधनाने कुटुंबीयांसोबत समर्थकांवरही दुःखाचा डोंगर कोसळला आहे. अशातच धानोरकरांचा अखेरचा फोटो समाजमाध्यमांवर व्हायरल झाला आहे. ही क्षणचित्र पाहून प्रत्येक जण हळहळत आहे.
अवघ्या दोन दिवसांपूर्वीच बाळू धानोरकर यांच्या वडिलांचे निधन झाले होते. वयाच्या ८० व्या वर्षी वृद्धापकाळाने त्यांनी अखेरचा श्वास घेतला. यावेळी खासदार धानोरकरांवर रुग्णालयात उपचार सुरु होते. त्यामुळे तिथेच त्यांनी वडिलांचे अंत्यदर्शन घेतले. हाताला पट्ट्या लावलेल्या असतानाच बाळूभाऊंनी वडिलांच्या पार्थिवाला हार घालून अखेरचा निरोप दिला. शेजारी पत्नी – आमदार प्रतिभा धानोरकर आणि मागे सुपुत्र पार्थ असलेला हा फोटो सोशल मीडियावर पाहायला मिळत आहे. मात्र यानंतर अवघ्या काही तासांतच बाळू धानोरकरही जगात नसतील, अशी कल्पनाही कोणाच्या मनाला शिवली नसेल.
अवघ्या दोन दिवसांपूर्वीच बाळू धानोरकर यांच्या वडिलांचे निधन झाले होते. वयाच्या ८० व्या वर्षी वृद्धापकाळाने त्यांनी अखेरचा श्वास घेतला. यावेळी खासदार धानोरकरांवर रुग्णालयात उपचार सुरु होते. त्यामुळे तिथेच त्यांनी वडिलांचे अंत्यदर्शन घेतले. हाताला पट्ट्या लावलेल्या असतानाच बाळूभाऊंनी वडिलांच्या पार्थिवाला हार घालून अखेरचा निरोप दिला. शेजारी पत्नी – आमदार प्रतिभा धानोरकर आणि मागे सुपुत्र पार्थ असलेला हा फोटो सोशल मीडियावर पाहायला मिळत आहे. मात्र यानंतर अवघ्या काही तासांतच बाळू धानोरकरही जगात नसतील, अशी कल्पनाही कोणाच्या मनाला शिवली नसेल.
धानोरकर यांचे जवळचे मित्र आणि तज्ज्ञ डॉक्टर सागर वझे यांनी धानोरकरांच्या मृत्यूचे नेमके कारण सांगितले. १९ मेपासून बाळू धानोरकर यांना पोटात दुखायला लागलं आणि उलट्यांचा त्रास सुरु होता. त्यांची सोनोग्राफी करण्यात आली तेव्हा पित्ताशयात खडे असल्याचं निदान झालं. प्राथमिक उपचार करुन त्यांना नागपुरातील अरिहंत रुग्णालयात नेण्यात आलं. तिथे ३६ तास ते नॉर्मल होते, ते व्यवस्थित चालत-बोलत होते.
बाळू धानोरकर यांचा अखेरचा फोटो
२७ मे रोजी पहाटे अचानक बाळू धानोरकर यांचं ब्लड प्रेशर आणि पल्स लो होत गेली. ते वर आणण्यासाठी त्यांना औषध देण्यात आली. त्यानेही दिलासा न मिळाल्याने त्यांना वेंटिलेटरी सपोर्ट देण्यात आला. परंतु त्यांच्या पित्ताशयाला सूज आणि संसर्ग होऊ लागला. त्यांच्या आतड्याला आणि रक्तात संसर्ग भिनू लागला. याला वैद्यकीय भाषेत सेप्टिसीमिया म्हणतात. त्यामुळे केसांपासून नखापर्यंत प्रत्येक अवयवावर परिणाम होतो, असं डॉ. सागर वझे यांनी सांगितलं.
व्याह्यांचे अंत्यविधी सुरु असताना प्रतिभा म्हणाल्या… धानोरकरांच्या चिंतेने सासरे झालेले अस्वस्थ
एअर अॅम्ब्युलन्सने त्यांना दिल्लीतील मेदांता रुग्णालयात हलवण्यात आलं. त्यांना हायर अँटिबायोटिक्स देण्यात आले. डायलिसीस युनिटला फिल्टर जोडण्यात आले. पहिल्या २४ तासात हवा तसा प्रतिसाद मिळाला नाही. संसर्ग फुफ्फुसात पसरल्याने त्यांना इक्मो देण्यात आला. परंतु ब्लड प्रेशर आणि पल्स पूर्ववत होत नव्हती. अखेर कार्डिअॅक फेल्युरमुळे त्यांची प्राणज्योत मालवली.