चंद्रपूर: काँग्रेस पक्षाचे चंद्रपूर वरोरा लोकसभा मतदारसंघाचे खासदार सुरेश उर्फ बाळू धानोरकर यांचे मंगळवारी पहाटे दिल्लीतील एका रुग्णालयात निधन झाले. ते ४८ वर्षांचे होते. त्यांच्या अकाली निधनाने कुटुंबीय आणि त्यांच्या कार्यकर्त्यांना मोठा धक्का बसला आहे. २०१९ च्या लोकसभा निवडणुकीत महाराष्ट्रात काँग्रेसला फक्त एक जागा जिंकता आली होती. ती जागा जिंकण्याची कामगिरी बाळू धानोरकर यांनी करून दाखवली होती. सुरुवातीपासूनच आक्रमक आणि जिगरबाज स्वभावाचा नेता म्हणून बाळू धानोरकर यांनी ओळख होती. बाळू धानोरकर यांचा राजकीय प्रवास अनेक चढ-उतारांनी भरलेला राहिला आहे.
कोणत्याही आव्हानाशी दोन हात करायची तयारी आणि कोणताही धोका पत्कारण्याची तयारी असलेला नेता म्हणून बाळू धानोरकर यांनी ओळख होती. यामुळे एकेकाळी बाळू धानोरकर यांना अत्यंत वाईट दिवसही पाहावे लागले आहेत. बाळू धानोरकर यांच्यावर अनेक गुन्हे दाखल आहेत. याच कारणावरून त्यांच्यावर दोनवेळा तडीपारीची कारवाई करण्यात आली होती. त्यामुळे त्यांना चंद्रपूर जिल्ह्याच्याबाहेर राहावे लागत होते. या काळात अनेकजण मला ‘तुम्हारा आदमी तडीपार है’, असे ऐकवून दाखवत. त्या काळात मला आणि मुलांना त्यांची भेट घेण्यासाठी बाहेरगावी जावे लागायचे, अशी आठवण प्रतिभा धानोरकर यांना सांगितली होती.
मद्यविक्रीच्या व्यवसायामुळे तिकीट नाकारले पण वडेट्टीवारांनी लोकसभेसाठी फिल्डिंग लावली
कोणत्याही आव्हानाशी दोन हात करायची तयारी आणि कोणताही धोका पत्कारण्याची तयारी असलेला नेता म्हणून बाळू धानोरकर यांनी ओळख होती. यामुळे एकेकाळी बाळू धानोरकर यांना अत्यंत वाईट दिवसही पाहावे लागले आहेत. बाळू धानोरकर यांच्यावर अनेक गुन्हे दाखल आहेत. याच कारणावरून त्यांच्यावर दोनवेळा तडीपारीची कारवाई करण्यात आली होती. त्यामुळे त्यांना चंद्रपूर जिल्ह्याच्याबाहेर राहावे लागत होते. या काळात अनेकजण मला ‘तुम्हारा आदमी तडीपार है’, असे ऐकवून दाखवत. त्या काळात मला आणि मुलांना त्यांची भेट घेण्यासाठी बाहेरगावी जावे लागायचे, अशी आठवण प्रतिभा धानोरकर यांना सांगितली होती.
याशिवाय, स्पष्टवक्तेपणा हा बाळू धानोरकर यांच्या व्यक्तिमत्त्वातील आणखी एक गुण होता. सामान्य लोकांच्या जगण्याशी संबंधित समस्या सोडवण्याला बाळू धानोरकर प्राधान्य देत असत. एकाच कामासाठी लोकांना वारंवार खेटे घालायला नको म्हणून बाळू धानोरकर परमनन्ट सोल्यूशन काढण्यासाठी प्रसिद्ध होते. पुन्हा निवडून येण्यापुरती कामे मी कधी करत नाही. लोकांना खोटी आश्वासने देत नाही. माझ्याकडून काम होणार नसेल तर मी लोकांना तसे स्पष्टपणे सांगतो, असे बाळू धानोरकर सांगायचे.
मद्यविक्रीच्या व्यवसायामुळे तिकीट नाकारले पण वडेट्टीवारांनी लोकसभेसाठी फिल्डिंग लावली
बाळू धानोरकर यांनी कला आणि कृषी शाखेचे शिक्षण घेतले आहे. शिक्षण पूर्ण झाल्यानंतर बाळू धानोरकर यांनी कपड्यांचे दुकान सुरु केले. त्यानंतर वाहन खरेदीसाठी कर्जपुरवठा करणारी कंपनी चालवली. नंतरच्या काळात त्यांनी भद्रावतीमध्ये बारही सुरु केला होता. मद्यविक्रीचा व्यवसाय आणि चंद्रपुरात असलेल्या दारूबंदीमुळे बाळू धानोरकर यांना २०१९ च्या लोकसभा निवडणुकीवेळी काँग्रेस पक्षाने तिकीट नाकारले होते.
Balu Dhanorkar: ‘मोदींचा ट्रम्प केल्याशिवाय राहणार नाही’; बाळू धानोरकरांनी दिलं होतं थेट PM मोदींना ओपन चॅलेंज
पण विजय वडेट्टीवार आणि अशोक चव्हाण यांनी दिल्लीत धानोरकर यांना तिकीट मिळवून देण्यासाठी बरेच प्रयत्न केले. विजय वडेट्टीवार यांनी बाळू धानोरकर हे कसे विनिंग कँडिटेट आहेत, हे काँग्रेस कार्यकारिणीच्या सदस्यांना पटवून दिले. त्यामुळे अखेर बाळू धानोरकर यांना २०१९ मध्ये लोकसभा निवडणुकीचे तिकीट मिळवले. या संधीचा पुरेपूर लाभ उठवत बाळू धानोरकर यांनी २०१९ च्या लोकसभा निवडणुकीत काँग्रेसची लाज राखली. २०१९ च्या लोकसभा निवडणुकीत महाराष्ट्रातून काँग्रेसचा एकमेव उमेदवार विजयी झाला, तो म्हणजे बाळू धानोरकर. ऐनवेळी शिवसेनेतून काँग्रेसमध्ये प्रवेश केलेल्या बाळू धानोरकर यांनी चंद्रपूरमध्ये विजय मिळवून पक्षाची लाज राखली होती.