मुंबई : देशाची आर्थिक राजधानी मुंबई नागरिकांसाठी आणखी सुलभ करण्यासाठी सरकार विविध पातळ्यांवर काम करत आहे. अशात आता मुंबईच्या मेट्रोने प्रवास करणाऱ्यांसाठी ही आनंदाची बातमी आहे. मेट्रो प्रवास आणखी सुखकर करण्यासोबतच सरकारने प्रवाशांच्या सुरक्षेसाठी एक उत्तम योजना आणली आहे. यामुळे मुंबईकरांना मोठा फायदा होणार असून या निर्णयाचं सर्व स्तरातून स्वागत होत आहे.मिळालेल्या माहितीनुसार, मेट्रो ऑपरेशन कॉर्पोरेशन लिमिटेडच्या (MMMOCL) सर्व प्रवाशांना सरकारकडून एक गिफ्ट देण्यात आलं आहे. सरकारने जाहीर केल्यानुसार आता सर्व प्रवाशांना ग्रुप विम्याचा लाभ घेता येणार आहे. याचा फायदा असा की, मेट्रोने प्रवास करताना अपघात झाला किंवा रुग्णालयात दाखल व्हावं लागलं तर उपचारासाठी १ लाख रुपये आणि ओपोडीसाठी १० हजार रुपये दिले जातील. अशात अपघाती मृत्यू झाल्यास ५ लाख रुपये आणि अपंगत्व आल्यास ४ लाख रुपयांचे विमा संरक्षण दिले जाणार आहे.
कोणाला घेता येणार या योजनेचा फायदा…
विम्यासाठी कोणतेही अतिरिक्त शुल्क आकारले जाणार नाही…
असे असेल विमा संरक्षण…
कोणाला घेता येणार या योजनेचा फायदा…
MMMOCL च्या या खास विमा संरक्षणाचा लाभ मेट्रो-७ आणि मेट्रो-२ए वर वैध तिकीट, मासिक पास, स्मार्ट कार्ड किंवा QR कोड तिकीट असलेल्या प्रवाशांना घेता येणार आहे. मेट्रो स्टेशनची इमारत, प्लॅटफॉर्म, ट्रेन, स्टेशन परिसरामध्ये उपस्थित असलेल्या प्रवाशांना या विमा पॉलिसीचा लाभ मिळेल. दरम्यान, पार्किंग परिसराच्या बाहेरच्या भागामध्ये कोणतीही अनुचित घटना घडल्यास प्रवाशांना विम्याच्या लाभ घेता येणार नाही.
विम्यासाठी कोणतेही अतिरिक्त शुल्क आकारले जाणार नाही…
MMMOCL ने दिलेल्या माहितीनुसार, या विम्याचा लाभ मिळवण्यासाठी प्रवाशांकडून कोणतेही अतिरिक्त पैसे घेतले जाणार नाहीत. गेल्या वर्षी मेट्रो-७ आणि मेट्रो-२ ए च्या ३५ किमी मार्गावर मेट्रो सेवा सुरू झाली आहे. या मार्गांवर दिवसभरात दररोज २५३ फेरी चालवल्याता जातात, ज्यामध्ये १.५ लाखांहून अधिक प्रवासी प्रवास करतात.
Mumbai News: वांद्रे-वर्सोवा सी लिंकचं सुसाट काम थांबणार? प्रकल्पाविरोधात स्थानिक मच्छीमार मैदानात
अत्याधुनिक सेवा देण्यासोबतच प्रवाशांना सुरक्षा देणं ही प्रशासनाची जबाबदारी आहे. त्यामुळेच विम्याचे सुरक्षा कवच प्रवाशांसाठी उपलब्ध करून देण्यात येणार असल्याची माहिती MMMOCL चे प्रशासकीय संचालक एस.व्ही.आर. श्रीनिवास यांनी दिली. दरम्यान, मुंबईतील लोकल ट्रेनने दररोज तब्बल ७० लाख प्रवासी प्रवास करतात. लोकल ट्रेनमधून प्रवास करताना दररोज ५ ते १० प्रवासी अपघाताला बळी पडतात. प्रवाशांची संख्या ७० लाख असूनही लोकल ट्रेनमधील प्रवाशांना विम्याची सुविधा उपलब्ध नाही. प्रवासादरम्यान अपघात झाल्यास प्रवाशांच्या कुटुंबीयांना उपचाराचा खर्च उचलावा लागतो. अशा परिस्थितीत मेट्रो रेल्वेच्या प्रवाशांना विमा संरक्षणाचा लाभ मिळणे हा एक चांगला उपक्रम आहे.
तारीख ठरली! मुंबईला मिळणार देशातला सगळ्यात मोठा समुद्री सेतू, फक्त ९० मिनिटांत पुण्यात टच…
असे असेल विमा संरक्षण…
– रुग्णालयात दाखल झाल्यावर १ लाख रु.
– ओपीडीसाठी १० हजार रुपये खर्च येतो
– मृत्यूवर ५ लाख रु
– अपंगत्व आल्यास ४ लाख रुपये
Undersea Tunnel Mumbai : भारतातला पहिला समुद्राखालील बोगदा मुंबईत, ४५ मिनिटांचा रस्ता फक्त १० मिनिटांत टच