How To Exchange 2000 Note: २००० च्या नोटा खपवण्यासाठी लोकांचा इंडियन जुगाड, बँकेत जाण्याऐवजी पाहा काय काय केलंकोल्हापुरातील पाचगाव येथे राहणारे गिरीश पाटील कुटुंबियांच्या घरात गेल्या ३५ वर्षांपासून मुलगीच जन्माला आली नाही. यामुळे पाटील कुटुंबियांमध्ये मुलीविषयी प्रेम होतं. गेल्या पाच महिन्यापूर्वी पाटील कुटुंबीयांच्या घरात एक गोंडस अशी मुलगी जन्माला आली आणि संपूर्ण कुटुंब आनंदी झालं. तर मुलीचे नाव देखील ईरा ठेवण्यात आले. दरम्यान, आज पाटील कुटुंबियांमधील ही गोंडस मुलगी म्हणजे ईरा पाचगाव येथील घरात पहिल्यांदाच येत होती. यामुळे तिचं जंगी स्वागत करायचं असं पाटील कुटुंबियांनी ठरवलं.
यामुळे आपल्या लाडक्या मुलीच्या स्वागतासाठी चक्क हत्ती आणला आणि हत्तीवरून मिरवणूक काढत तिचं घरामध्ये स्वागत केलं. यावेळी या मिरवणुकीत हत्ती बरोबरच ढोल ताशा आणि तुतारी, मर्दानी खेळाची प्रात्यक्षिके दाखवत आणि लहान-लहान मुलांना वेगवेगळ्या वेशभूषेत सजवत, हातात सामाजिक संदेश देणारे बोर्ड देण्यात आले होते. मुलीचे स्वागत इतक्या मोठ्या पद्धतीने होत असलेलं पाहून परिसरातील अनेक नागरिक याकडे कुतूहलाने पाहत होते. सध्या या मुलीची चर्चा पंचक्रोशीत सुरू असून या माध्यमातून मुलींविषयी असलेले प्रेम आणि यासोबतच एक सामाजिक संदेश देण्याचा प्रयत्न पाटील कुटुंबियांकडून करण्यात आला आहे.
Swarn Shatabdi Owner: रेल्वेची अशी चूक की भारताचा शेतकरी झाला थेट ट्रेनचा मालक, संपूर्ण किस्सा वाचून डोकं फिरेल