नंदुरबार : नवापूर शहरातून एक धक्कादायक घटना समोर आली आहे. एकाच घरातील तीन जणांनी रेल्वे रुळावर आत्महत्या केल्याची घटना घडली आहे. या घटनेने नवापूर शहर हादरून गेले आहे.वडिलांनी मुलाला मोटारसायकल घेऊन देण्यास नकार दिल्याने मुलाने त्याच्या पत्नीसह आत्महत्या केली. या घटनेने धक्का बसलेल्या वडिलांनीही टोकाचं पाऊल उचलत रेल्वे रुळावर आत्महत्या केल्याचा धक्कादायक प्रकार समोर आला आहे. तिघे मृत नवापूर शहरातील आहेत. घटनेचा अधिक तपास पोलीस करीत आहे.
नंदुरबार जिल्ह्यातल्या नवापूर शहरातील तीनटेंभा भागातील रहिवासी सावंत सय्यद गावित त्यांची पत्नी रोशनी सावंत गावित आणि वडील सय्यद कर्मा गावित या तिघांनी रात्रीच्या वेळेस फुलफळी भागात रेल्वे रुळावर आत्महत्या केल्याची घटना घडली आहे. या घटनेने नवापूर शहरात एकच खळबळ उडाली आहे. या प्रकरणी पोलिसांनी माहिती दिली.
नंदुरबार जिल्ह्यातल्या नवापूर शहरातील तीनटेंभा भागातील रहिवासी सावंत सय्यद गावित त्यांची पत्नी रोशनी सावंत गावित आणि वडील सय्यद कर्मा गावित या तिघांनी रात्रीच्या वेळेस फुलफळी भागात रेल्वे रुळावर आत्महत्या केल्याची घटना घडली आहे. या घटनेने नवापूर शहरात एकच खळबळ उडाली आहे. या प्रकरणी पोलिसांनी माहिती दिली.
अज्ञात टोळकं केळीच्या बागेत घुसलं, दोन तासांत ४ हजार झाडांची कत्तल, शेतकऱ्यावर आभाळ कोसळलं
नवापूर शहरातील तीनटेंभा भागातील रहिवासी सावंत सय्यद गावित यांनी वडिलांकडे नवीन मोटरसायकलीची मागणी केली होती. मात्र वडिलांनी ती घेऊन दिली नाही. या विषयावरून रागाच्या भरात सावंत गावित आणि त्यांची पत्नी रोशनी गावित यांनी फुलफळी भागात रेल्वे रुळावर आत्महत्या केली.
रुग्णालयात जाताना पुलावरच टायर पंक्चर, भर उन्हात महिलेची रुग्णाहिकेतच प्रसुती
मुलाने आणि सुनेने आत्महत्या केल्याचे चित्र पाहून वडील सय्यद गावित यांना मानसिक धक्का बसला. आणि त्यांनीही रेल्वे रुळावर जाऊन आत्महत्या केली. या घटनेने नवापूर शहरात एकच खळबळ उडाली. घटनेची माहिती पोलीस निरीक्षक ज्ञानेश्वर वारे यांना कळली. यानंतर घटनास्थळी पोलीस उपनिरीक्षक अशोक मोकळ जमादार युवराज परदेशी विकी वाघ हे घटनास्थळी दाखल झाले. त्यांनी घटनेचा पंचनामा करून तिघही मृतदेह नवापूर उपजिल्हा रुग्णालय पाठविले आहेत. पुढील तपास नवापूर पोलीस करीत आहे.