आरोपीने हल्ला का केला?

सिंधी समाजातीलच 65 वर्षीय प्रकाश किसनदास अडवाणी या इसमाने 25 वर्षांपूर्वीच्या वादाचा राग मनात धरून हा हल्ला केल्याची प्राथमिक माहिती समोर आली आहे. जखमी लालचंद वाधवानी यांच्यावर खाजगी रुग्णालयात उपचार सुरू आहेत. तर संशयित आरोपी प्रकाश अडवाणी याच्या विरोधात सदर बजार पोलीस ठाण्यात भारतीय न्याय संहिता 109 (1), 352 (3) शस्त्र अधिनियम 4, 25 नुसार गुन्हा दाखल झाला आहे.

Vidyanand Bapat : बापट कुटुंबात संस्कृत पठणाची परंपरा, विद्यानंद पूर्वी नास्तिक नव्हता, परिस्थितीने बदलला; आई-वडिलांनी आठवणी सांगितल्या

सिंधी समाजाच्या कार्यक्रमात थरार

सिंधी समाजातील एका व्यक्तीच्या उठावणाचा कार्यक्रम गुरुनानक चौक परिसरातील सभागृहात गुरुवारी सुरू होता. वाधवाणी यांच्यासह अनेक समाजबांधव तिथे उपस्थित होते. कार्यक्रम सुरू असतानाच आरोपी प्रकाश अडवाणी दुचाकीवर तिथे आला. त्याने सोबत लांब धारदार शस्त्र आणले होते. कसलाही विचार न करता त्याने वाधवाणी यांना खाली ढकलून पायावर जोरदार वार केले. यात वाधवाणी गंभीर जखमी झाले.

उपस्थितांमध्ये प्रचंड घबराट पसरली आणि एकच गोंधळ उडाला. उपस्थित काही जणांनी आरोपीला रोखण्याचा प्रयत्न केला असता तो हातातील शस्त्र घेऊन तिथून निघून गेला. जखमी वाधवाणी यांना उपस्थितांनी रक्तबंबाळ अवस्थेत तातडीने खासगी रुग्णालयात उपचारासाठी दाखल केले.

२५ वर्षापूर्वी जुन्या निर्णयाचा राग मनात होता

२५ वर्षांपूर्वी सिंधी समाजाच्या पातळीवर झालेल्या एका निर्णयावरून प्रकाश अडवाणी याच्या मनात तीव्र राग होता. त्यातूनच हा हल्ला झाल्याचा संशय आहे. हा हल्ला पूर्वनियोजित होता का? याचा शोध पोलीस घेत आहेत. भर कार्यक्रमात घडलेल्या या प्रकारामुळे सिंधी समाजात तीव्र संताप व्यक्त होत आहे. या घटनेची माहिती मिळताच सदर बाजार पोलीस ठाण्याचे पथक तत्काळ घटनास्थळी दाखल झाले. पोलिसांनी पंचनामा करून परिसरातील सीसीटीव्ही फुटेज ताब्यात घेतले आहेत.