हे चौघेही KA-04/NC-0042 क्रमांकाच्या कारने दिल्लीहून बंगळुरू नागपूरमार्गे जात होते. कन्हान परिसरात येताच नदीमचा गाडीवरील ताबा सुटला आणि भरधाव वेगात असलेली कार दुभाजकाला धडकली. परवेझ आणि अफिफाचा जागीच मृत्यू झाला, तर अमराह आणि नदीम गंभीर जखमी झाले. दोघांना नागपूर शहरातील रुग्णालयात दाखल करण्यात आल्याचे पोलिसांनी सांगितले. या प्रकरणी कन्हान पोलिसांनी अमरा यांच्या फिर्यादीवरून कारचालक नदीमविरुद्ध गुन्हा दाखल केला असून, प्रकरणाचा तपास सहायक पोलिस निरीक्षक पराग फुलझेले करीत आहेत.
हे चौघे रविवारी सकाळी सातच्या सुमारास नवी दिल्लीहून बंगळुरूला निघाले होते. लांबचा प्रवास असल्याने त्यांनी नागपूर शहरात राहण्याचा बेत आखला. मात्र, नागपूर शहरात पोहोचण्यापूर्वीच त्यांच्या कारला अपघात झाला. जखमी अमरहला शुद्धीवर आल्यानंतर तिला कळले की तिचा नवरा आणि मुलगी मरण पावली आहे. त्याच्या तक्रारीवरून पोलिसांनी गुन्हा दाखल केला आहे.
बेल वाजवताच कुत्रा अंगावर धावून आला, जीव वाचवण्यासाठी डिलिव्हरी बॉयची तिसऱ्या मजल्यावरुन उडी, अन्…