दिशा समितीच्या नुकत्याच पार पडलेल्या बैठकीत आरोग्य राज्यमंत्र्यांनी जिल्हा परिषदेच्या कारभारावर चांगलेच ताशेरे ओढले. गेल्या काही महिन्यांत प्राथमिक आरोग्य केंद्रांमध्ये सुरू असलेल्या ढिसाळ कामकाजाच्या घटनांमुळेही आरोग्यसह काही विभाग चर्चेत आले आहेत. या पार्श्वभूमीवर जिल्हा परिषद प्रशासनाने आधुनिक तंत्रज्ञानाद्वारे कर्मचाऱ्यांच्या उपस्थितीवर देखरेख ठेवण्यासाठी बायोमेट्रिक प्रणालीच्या उपयोगाचे संकेत दिले असले, तरीही ती यंत्रणा मुख्यालयातच अद्ययावत राहत नसेल, तर ग्रामीण भागात या यंत्रणेची आणखी दुर्दशा होण्याची शक्यता व्यक्त करण्यात येत आहे.
‘ते’ सध्या काय करतात? नाशिक जिल्ह्यातील लाचखोर अधिकाऱ्यांवर प्रकाशझोत
जिल्हा परिषदेतर्फे जिल्ह्यात शंभर मॉडेल स्कूल्स, मिशन भगीरथ, कुपोषणमुक्ती आदी उपक्रम हाती घेण्यात आले आहेत. एकीकडे या कार्यक्रमांचा बोलबाला अन् दुसरीकडे आरोग्य, बांधकाम आदी विभागांमधील त्रूटीपूर्ण कारभारामुळे ग्रामस्थ आणि लोकप्रतिनिधींकडून या कारभारावरच प्रश्न उपस्थित केले जात आहेत.