आशिष देखमुख यांच्या घरी नाश्त्यासाठी आलो होतो, अशी प्रतिक्रिया फडणवीस यांनी दिली. तर राजकारणात कोणी कुणाचा शत्रु नसतो. पण मी अजुनही काँग्रेसमध्ये आहे, असं आशिष देशमुख म्हणाले.

सावनेरमध्ये आम्ही कोणताही नवीन प्रयोग करणार नाही. तुमच्यापैकी एक इथे लढणार आहे, असे फडणवीस काल म्हणाले होते. आणि आज अचानक देशमुखांच्या घरी पोहोचले. कालचे वक्तव्य आणि आजची बैठक. याचा अर्थ आशिष देशमुख हे भाजपमध्ये प्रवेश करून सावनेरमधून निवडणूक लढवतील, असे राजकीय जाणकारांचे म्हणणे आहे.

खर्रा खाऊन नड्डांचा आवाज, बोगस पीएची कुंडली समोर, महिलांवर उधळण्यासाठी तोतयागिरी
२०१४ च्या विधानसभा निवडणुकीत आशिष देशमुख यांनी काटोलमधून भाजपच्या तिकिटावर निवडणूक लढवली आणि तिथे त्यांनी त्यांचे काका माजी मंत्री अनिल देशमुख यांचा पराभव केला. त्यानंतर त्यांनी स्वतंत्र विदर्भाच्या मुद्द्यावरून आमदारकीचा राजीनामा देऊन भाजप सोडून काँग्रेसमध्ये प्रवेश केला. काँग्रेसमध्येही त्यांना फारसा काही जमलं नसल्याने त्यांनी थेट वरिष्ठांची दोन हात करण्यास सुरुवात केली.

आशिष देशमुख यांनी राहुल गांधींना थेट सल्ला देत प्रदेशाध्यक्ष नाना पटोले यांच्याविरोधात थेट भूमिका घेतली. त्यानंतर त्यांना नोटीसही बजावण्यात आली होती. आणि नंतर निलंबित केले. तेव्हाच देशमुख जास्त काळ काँग्रेसमध्ये राहणार नाहीत, असा अंदाज राजकीय जाणकारांनी वर्तवला होता. त्याचे भाकीत आता खरे ठरताना दिसत आहे.
मला फसवण्यासाठी परमबीर सिंहांचा वापर अन् बक्षिस म्हणून निलंबन मागे; अनिल देशमुखांचा सरकारवर आरोप
फडणवीस हे विदर्भाच्या हिताचे काम करणारे नेते आहेत. मी सध्या काँग्रेसमध्ये आहे, पण निलंबित. निलंबनानंतर काँग्रेस नेते सतीश चतुर्वेदी यांचा पक्षात पुन्हा समावेश करण्यात आला. तसेच मलाही आशा आहे, असे देशमुख म्हणाले. २००९ मध्ये सावनेरमधून त्यांनी चांगली लढत दिली. २०१४ मध्ये काटोलमध्ये अनिल देशमुख यांचा पराभव केला.

२०१९ मध्ये मी नागपूर दक्षिण-पश्चिमचे तत्कालीन मुख्यमंत्री देवेंद्र फडणवीस यांच्या विरोधात लढलो, जे माझ्यासाठी नवीन आहेत. आजही पक्ष बदलण्याचा प्रश्नच येत नाही. फडणवीस माझ्या घरी नाश्ता करायला आले. विदर्भाच्या हितासाठी काम करणारा कोणी नेता असेल तर ते फडणवीस आहे, असेही आशिष देशमुख म्हणाले.