पिंपरी : ‘शिवपुत्र संभाजी’ नाटकाचे फ्री पासेस दिले नाहीत तर प्रयोग कसा होतो तेच पाहतो, अशी धमकी पिंपरी चिंचवड पोलिसांनी राष्ट्रवादीचे खासदार आणि ‘शिवपुत्र संभाजी’ महानाट्य सादर करणारे डॉ. अमोल कोल्हे यांना दिली होती. पोलिसांच्या धमकीवर खेद व्यक्त करत अशा प्रवृत्तींना आपला तीव्र विरोध आहे, असं सांगत तिकीट काढून आलेल्या प्रेक्षकांना मानाचा मुजरा करीत डॉ. अमोल कोल्हे यांनी राज्याच्या गृहमंत्र्यांनी या प्रकाराची गंभीर दखल घ्यावी, असे आवाहन केले.गेल्या तीन दिवसांपासून पिंपरी येथील एच. ए. मैदानावर ‘शिवपुत्र संभाजी’ या महानाट्याचे प्रयोग सुरू आहेत. छत्रपती संभाजी महाराजांचा धगधगता इतिहास नव्या पिढीपर्यंत आणि समाजाच्या तळागाळापर्यंत पोहोचवण्यासाठी आपण राज्यभर या महानाट्याचे प्रयोग करीत आहोत. यापूर्वी झालेल्या छत्रपती संभाजीनगर, नाशिक, कोल्हापूर, कराड या ठिकाणी झालेल्या महानाट्याच्या प्रयोगाला पोलिसांनी चांगले सहकार्य केले. परंतु आज पिंपरी चिंचवडच्या पोलिसांनी पासेससाठी केलेला प्रकार खेदजनक आहे, असे डॉ. कोल्हे यांनी सांगितले.
अमोल कोल्हेंनी पोलिसांना खडसावलं
महानाट्याच्या प्रयोगादरम्यान डॉ. कोल्हे यांनी व्यासपीठावर येऊन झालेल्या प्रकाराची नापसंती व्यक्त करताना प्रयोगासाठी तिकीट काढून आलेल्या प्रत्येकाचे आभार मानत त्यांचे अभिनंदन केले. त्याचबरोबर याच जनतेच्या कराच्या पैशातून पोलिसांचा पगार होतो आणि छत्रपती संभाजी महाराजांचा इतिहास पाहायला फ्री पास मागता अन् तो दिला नाही तर नाटक कसं होतं ते पाहतो अशी धमकी देता? पोलिसांच्या २६/११ च्या वेळी, कोविड काळात जीवाची बाजी लावली त्या पोलिसांच्या उज्ज्वल परपंरेला मिळवलेल्या लौकिकास अशा क्षुल्लक गोष्टींसाठी गालबोट लावू नका, अशी कळकळीची विनंतीही त्यांनी केली.
अमोल कोल्हेंनी पोलिसांना खडसावलं
महानाट्याच्या प्रयोगादरम्यान डॉ. कोल्हे यांनी व्यासपीठावर येऊन झालेल्या प्रकाराची नापसंती व्यक्त करताना प्रयोगासाठी तिकीट काढून आलेल्या प्रत्येकाचे आभार मानत त्यांचे अभिनंदन केले. त्याचबरोबर याच जनतेच्या कराच्या पैशातून पोलिसांचा पगार होतो आणि छत्रपती संभाजी महाराजांचा इतिहास पाहायला फ्री पास मागता अन् तो दिला नाही तर नाटक कसं होतं ते पाहतो अशी धमकी देता? पोलिसांच्या २६/११ च्या वेळी, कोविड काळात जीवाची बाजी लावली त्या पोलिसांच्या उज्ज्वल परपंरेला मिळवलेल्या लौकिकास अशा क्षुल्लक गोष्टींसाठी गालबोट लावू नका, अशी कळकळीची विनंतीही त्यांनी केली.
व्यक्तीला विरोध नाही, प्रवृत्तीला विरोध
पोलिसांनी केलेल्या सहकार्याचा दाखला देताना डॉ. कोल्हे यांनी नाशिकमधील पोलीस आयुक्तांनी २५०० पोलिसांना तिकीट काढून ‘शिवपुत्र संभाजी’ महानाट्य दाखवले याचा आवर्जून उल्लेख केला. त्याचबरोबर फ्री पासेससाठी गोंधळ घालणाऱ्या पोलिसांचे नाव घेणार नाही, कारण विरोध व्यक्तीला नसून फ्री पासेसची मागणी करण्याच्या प्रवृत्तीला विरोध आहे, असं ते म्हणाले.
फ्री पासेस दिले नाही तर छत्रपती संभाजी महाराजांचा इतिहास सादर करु दिला जाणार नाही अशी धमकी देणाऱ्या पोलिसांना कडक समज द्यावी अशी मागणी त्यांनी राज्याचे गृहमंत्री देवेंद्र फडणवीस यांच्याकडे केली.