नाईक डॉक्टरांच्या गळ्यातील रुद्राक्षाच्या माळेची भुरळ पडली, सांताक्रुझमध्ये केअरटेकरने ८५ वर्षीय वृद्धाला संपवलं

सांताक्रूझ पोलिसांनी हत्येचा गुन्हा दाखल करून कृष्णा याचा शोध सुरू केला. सांताक्रूझ पोलिस ठाण्यासह याच परिसरातील वेगवेगळ्या पोलिस अधिकाऱ्यांची पथके तयार करण्यात आली. कंपनीकडून कृष्णा याचा मोबाइल क्रमांक मिळाला. मात्र, त्याने हत्येनंतर मोबाइल बंद केला होता. सीसीटीव्ही फुटेज आणि इतर तांत्रिक पुराव्यांच्या आधारे पोलिसांनी त्याचा माग घेतला असता, तो बोरिवली स्थानकातून सौराष्ट्र मेल पकडून गुजरातच्या दिशेने जात असल्याचे समजले. पोलिसांनी यासाठी रेल्वे पोलिसांची मदत घेतली आणि त्यांना कृष्णाबाबत माहिती दिली. कृष्णा अहमदाबाद येथे पोहोचताच त्याला ताब्यात घेण्यात आले. मुंबई पोलिसांनी अहमदाबाद गाठत कृष्णाचा ताबा घेतला.

आईच्या उपचारासाठी चोरी

कृष्णा हा मूळचा नेपाळचा असून तिकडे त्याची पत्नी आणि आई वास्तव्यास आहे. आईला गंभीर आजाराने ग्रासले होते आणि तिच्या उपचारासाठी पैसे कमी पडत असल्याने त्याने सोन्याची चेन चोरली. हातपाय बांधले आणि तोंडाला चिकटपट्टी लावूनही नाईक यांची चुळबुळ तसेच आवाज करण्याचा प्रयत्न सुरू असल्याने कृष्णा याने त्यांचा गळा दाबला आणि पळ काढल्याचे समोर आले आहे.