सोलापूर : राष्ट्रवादी काँग्रेसचे राष्ट्रीय अध्यक्ष शरद पवार हे २०१९ च्या निवडणुकीदरम्यान साताऱ्यात एका प्रचारसभेत भाषण देत असताना पावसात भिजले होते. राज्यात त्याची जोरदार चर्चा रंगली होती. इतकेच नाही, तर निवडणुकीतील यशाचे श्रेय पवार यांच्या पावसात भिजण्यालाही देण्यात आले होते. आता सोलापुरात पवार पुन्हा एकदा पावसात भिजले आहेत. या निमित्ताने त्यांच्या भिजण्याची पुन्हा एकदा चर्चा रंगू लागली आहे.शरद पवार हे पंढरपूर, सांगोला दौरा आटोपून सोलापुरात रविवारी रात्री ८ वाजण्याच्या सुमारास दाखल झाले. सोलापूर शहराचे माजी महापौर व राष्ट्रवादी काँग्रेसचे निष्ठावंत कार्यकर्ते मनोहर सपाटे यांच्या घरगुती लग्न सोहळ्यात शरद पवारांनी आवर्जून उपस्थिती लावली होती. हा लग्न सोहळा सोलापूर शहरातील निराळे वस्ती परिसरातील शरदचंद्र पवार शाळेत आयोजित करण्यात आला होता. ज्यावेळी शरद पवार यांचे आगमन झाले त्यावेळी सोलापूर शहरात पावसाची रिपरिप सुरु होती. कार्यकर्ते शरद पवार यांच्यासाठी पावसात उभे असल्याचे पाहताच त्यांनी आपले वाहन थांबवून पावसात भिजत कार्यकर्त्यांचे आभार व्यक्त केले. त्यांनी काही जणांचे निवेदने देखील स्वीकारले. पावसात भिजत भिजत त्यांनी सर्व कार्यकर्त्यांना हात करत पुन्हा गाडीत बसून ते लग्न समारंभात गेले.
ती प्रियकरासोबत पायरीवर बसून बोलत होती, इतक्यात ३ युवक आले आणि केले धक्कादायक कृत्य
तरुणांना लाजवणारा असा शरद पवारांच्या चेहऱ्यावर उत्साह
ती प्रियकरासोबत पायरीवर बसून बोलत होती, इतक्यात ३ युवक आले आणि केले धक्कादायक कृत्यतरुणांना लाजवणारा असा शरद पवारांच्या चेहऱ्यावर उत्साह
राजीनामा नाट्यानंतर शरद पवार यांचा सोलापुरात पहिलाच दौरा होता. पंढरपूर आणि सांगोल्यात दिवसभर दौरा करून शरद पवार सोलापुरात आले. राष्ट्रवादीचे ज्येष्ठ नेते आणि सोलापूरचे माजी महापौर मनोहर सपाटे यांच्या पुतण्याच्या लग्नासाठी रविवारी रात्री सोलापुरात आले. दिवसभराच्या दौऱ्यानंतरही शरद पवारांच्या चेहऱ्यावर तरुणांना लाजवणारा उत्साह दिसून आला.
शहरात पावसाची रिपरिप सुरू असतानाच शरद पवार लग्नासाठी आले. भर पावसात शरद पवारांनी नववधू आणि वराला शुभेच्छा दिल्या. सोलापूरमधल्या शरदचंद्र पवार कला वाणिज्य विज्ञान महाविद्यालयात सपाटे परिवाराचा विवाह संपन्न झाला. शरद पवार विवाह स्थळावर येताच कार्यकर्त्यांकडून एकच जल्लोष करण्यात आला.
विधवा महिलेला दाखवले लग्नाचे आमिष, अनेकदा घेतला गैरफायदा, तरुणाबाबत सत्य कळताच महिला हादरली
साताऱ्याची पुनरावृत्ती सोलापुरात
शरद पवार आणि पाऊस या समीकरणाने २०१९ ची निवडणूक फिरली असं महाराष्ट्राच्या राजकारणात बोललं जातं. २०१९ ला साताऱ्याच्या सभेत शरद पवारांनी भर पावसात श्रीनिवास पाटील यांच्यासाठी भाषण केले होते. या भाषणानंतर वारं फिरलं आणि श्रीनिवास पाटील यांनी खासदारकीच्या निवडणुकीमध्ये उदयनराजे भोसले यांचा पराभव केला.
आधीच दुचाकीचोरीने लोक हैराण, आता तर आमदारपुत्राचाच ट्रॅक्टर चोरीला गेल्याने खळबळ
एवढंच नाही तर विधानसभा निवडणुकीतही पावसातल्या या सभेमुळे राष्ट्रवादीला उभारी मिळाली होती. रविवारी सोलापुरात आल्यानंतर शरद पवार यांनी भर पावसात लग्न सोहळ्यास उपस्थिती लावल्याने कार्यकर्त्यांत एकच उत्साह दिसून आला.