सांगली: जिल्ह्यातील जत शहराजवळ अमृतवाडी फाटा येथे चार चाकी आणि डंपरचा भीषण अपघात झाला आहे. यामध्ये पाच जण जागीच ठार तर एक जण गंभीर जखमी झाला आहे.मृतांमध्ये एकाच कुटुंबातील चौघांचा समावेश आहे,देवदर्शना करून परतत असताना त्यांच्यावर काळाने घाला घातला आहे.
जतपासून पाच किलोमीटर अंतरावरील विजापूर-गुहागर राज्य मार्गावरील अमृतवाडी फाटा या ठिकाणी शुक्रवारी मध्यरात्रीच्या सुमारास चार चाकी वाहन आणि डंपरचा भीषण अपघात झाला. या घटनेत पाच जण जागीच ठार झाल्याची घटना घडली आहे तर एक जण यामध्ये गंभीर जखमी झाला आहे. दत्ता हरीबा चव्हाण, वय ४०, नामदेव पुनाप्पा सावंत,वय ६५,पदमिनी नामदेव सावंत,वय ६०, श्लोक आकाशदिप सावंत,वय ८,आणि मयुरी आकाशदिप सावंत,वय ३८ सर्व राहणार जत,अशी मृतांची नावे. तर वरद सावंत ,वय १० हा गंभीर असून त्याच्यावर जत रुग्णालयात उपचार सुरू आहेत.
जतपासून पाच किलोमीटर अंतरावरील विजापूर-गुहागर राज्य मार्गावरील अमृतवाडी फाटा या ठिकाणी शुक्रवारी मध्यरात्रीच्या सुमारास चार चाकी वाहन आणि डंपरचा भीषण अपघात झाला. या घटनेत पाच जण जागीच ठार झाल्याची घटना घडली आहे तर एक जण यामध्ये गंभीर जखमी झाला आहे. दत्ता हरीबा चव्हाण, वय ४०, नामदेव पुनाप्पा सावंत,वय ६५,पदमिनी नामदेव सावंत,वय ६०, श्लोक आकाशदिप सावंत,वय ८,आणि मयुरी आकाशदिप सावंत,वय ३८ सर्व राहणार जत,अशी मृतांची नावे. तर वरद सावंत ,वय १० हा गंभीर असून त्याच्यावर जत रुग्णालयात उपचार सुरू आहेत.
जथे येथील राहणारे सावंत कुटुंब हे गाणगापूर या ठिकाणी देवदर्शनासाठी गेले होते. देवदर्शन करून ते विजापूरमार्गे जतकडे येत असताना गुहागर विजापूर मार्गावरील अमृतवाडी फाटा या ठिकाणी रात्रीच्या समोर पोहोचले असता हा अपघात झाला आहे. समोरून येणाऱ्या ट्रकची धडक होऊ नये,या प्रयत्नात रस्त्याच्या कडेला थांबलेल्या डंपरवर जाऊन भरधाव गाडी आदळल्याने हा भीषण अपघात झाला आहे. ज्यामध्ये गाडीत असणारे सावंत कुटुंबातले चौघेजण आणि चालक असे पाच जण ठार झाले आहेत.
कुटुंबातील वरद सावंत हा दहा वर्षाचा मुलगा गंभीर जखमी झाला आहे.या घटनेची माहिती मिळताच पोलिसांनी घटनास्थळी धाव घेतली होती,सदर घटनेची नोंद जत पोलिसांमध्ये झाली असून अधिक तपास जत पोलीस करत आहेत. मात्र एकच कुटुंबातील चौघांच्या झालेल्या मृत्यूमुळे जत शहरामध्ये हळहळ व्यक्त करण्यात येत आहे.